Қазақстан құрамасы VI Ислам ынтымақтастығы ойындарында семсерлесу бойынша алтын медаль жеңіп алды, деп хабарлайды Aqshamnews тілшісі Туризм және спорт министрлігінің баспасөз қызметіне сілтеме жасап.
Министрлік мәліметінше, командалық шпага жарысында Ерлік Сертай, Вадим Шарлаимов және Кирилл Проходов қарсыластарын сенімді түрде ұтып, турнирдің жеңімпаздары атанды.
Старттық кездесуде қазақстандық спортшылар Қырғызстан құрамасын 45:34 есебімен жеңді. Жартылай финалда Оман командасынан басым түсті: 45:26. Ал шешуші финалда жарыс қожайындары Сауд Арабиясы құрамасын 45:29 есебімен тізе бүктірді.
Осылайша, Қазақстан құрамасы Ислам ынтымақтастығы ойындарында тағы бір алтын медаль олжалады.