Алматының Жетісу ауданындағы Павлодарская көшесінде орналасқан бірқабатты ТЖО ғимаратында болған өрт сәтті ауыздықталды, деп хабарлайды Aqshamnews тілшісі ІІМ баспасөз қызметіне сілтеме жасап.
Ведомство мәліметінше, өрт сөндірушілердің жедел әрекеті арқасында жалынның автокөліктер тұрған аймаққа тарау қаупі болмаған. Бір жеңіл көлік қауіпсіз жерге көшірілген.
Өрт кезінде ғимараттың ішінен газ баллоны да шығарылып, мүмкін болған жарылыстың алдын алды. Тілсіз жауды ауыздықтау үшін бірнеше сулы сөндіргіштер қолданылып, үздіксіз су беру қамтамасыз етілді.
ТЖМ 12:03-те өрттің 80 шаршы метр аумақта толық сөндірілгенін хабарлады. Зардап шеккендер жоқ.
