الماتىداعى №7 قالالىق كلينيكالىق اۋرۋحانانىڭ نەيروحيرۋرگتارى مي تامىرلارىنا كۇردەلى نەيروحيرۋرگيالىق وتانى ءساتتى جاساپ شىقتى. 65 جاستاعى ايەلگە يشەميالىق ينسۋلت كەزىندە جاڭا وپەراسيالىق جۇيەنى پايدالانۋ ارقىلى «زەرگەرلىك» وپەراسيا جاسالدى.
«پاسيەنت وڭ جاق ورتا مي ارتەرياسى باسسەينىندە يشەميالىق ءينسۋلتتىڭ كلينيكالىق-نيەۆرولوگيالىق سيمپتوماتيكاسىمەن كەلىپ ءتۇستى: سول جاق گەميپارەز، سول جاق بەت بۇلشىق ەتىنىڭ ورتالىق پارەزى، سويلەۋدىڭ بۇزىلۋى – ديزارتريا. شۇعىل تۇردە وتا جاسالدى – سەلەكتيۆتى سەرەبرالدى انگيوگرافيا، وندا وڭ جاق ىشكى ۇيقى ارتەرياسىنىڭ وفتالميالىق سەگمەنت دەڭگەيىندەگى ءجىتى وككليۋزيا (ترومبوز/ترومبوەمبوليا) كورىنىسى انىقتالدى»، – دەيدى №7 الماتى قالالىق كلينيكالىق اۋرۋحاناسىنىڭ تامىرلىق نەيروحيرۋرگيا بولىمشەسىنىڭ مەڭگەرۋشىسى راۋان كاستەي.
قاننىڭ ۇيۋى اۋىر زارداپتارعا جانە ءتىپتى ولىمگە اكەلۋى مۇمكىن. ءارى قاراي، بۇرىن كلينيكالىق پراكتيكادا كەڭىنەن قولدانىلعان ACE62 ورنىنا، جاڭادان ەنگىزىلگەن RED72 اسپيراسيالىق كاتەتەرىن قولدانا وتىرىپ، وڭ جاق ىشكى ۇيقى ارتەرياسىنان قان ۇيىعىشىنىڭ رەنتگەنەندوۆاسكۋليارلىق مەحانيكالىق ترومباسپيراسياسى جۇرگىزىلدى.
نەيروحيرۋرگتار جاڭا كاتەتەردىڭ ارتىقشىلىقتارىن جاقسى باعالاۋدا: ترومبتى الۋدىڭ نەعۇرلىم جوعارى كۇشىن قامتاماسىز ەتەتىن ىشكى ساڭىلاۋدىڭ كەڭەيتىلۋى، تەگىس باقىلاۋ مۇمكىندىگى جانە نەعۇرلىم الىس ءوتۋ ءۇشىن جاقسارتىلعان گيدروفيلدى جابىن، ناتيجەسى – وتانىڭ ءساتتى جاسالۋىنا ۇلكەن مۇمكىندىك بەرەدى.
ەنگىزىلگەن بۇل زاماناۋي يننوۆاسيا پاسيەنتتەرگە جوعارى تەحنولوگيالىق مەديسينالىق كومەك كورسەتۋ ساپاسىن تاعى ءبىر ساتىعا كوتەردى. ايتا كەتسەك، بۇل بولىمشەدە جىل سايىن ميدىڭ ءارتۇرلى كۇردەلى پاتولوگيالارى بار 600-دەن استام ناۋقاسقا وتا جاسالادى.