بۇگىنگى تاڭدا، مەيرامحاناعا، تويعا، كەز كەلگەن ءىس-شاراعا جولىڭىز ءتۇسىپ، بارساڭىز قولىنا تەلەفون ۇستاپ، ءتۇرلى ۆيدەو تۇسىرگەن ادامداردى كورەسىز. ەندى وسىلاي ۆيدەو ءتۇسىرۋدىڭ وزىندىك ەتيكاسى بار. ونى ءبىرىمىز بىلسەك، ءبىرىمىز بىلمەيمىز. بىلسەكتە جەكە الەۋمەتتىك جەلىنى جۇرگىزۋ ماقساتىندا جان-جاعىمىزداعى ازاماتتاردىڭ قۇقىن تاپتاي وتىرىپ، وزىمشىلدىككە بوي الدىرىپ، ۆيدەو تۇسىرە بەرەمىز. ارينە، ءسىز ءۇشىن قولايلى بولعانىمەن جانىڭىزداعى ازاماتتار ءۇشىن ءبىرشاما قولايسىزدىقتار تۋىنداتۋى مۇمكىن. قۇقىق سالاسى بويىنشا مۇنداي ارەكەتتەرگە بوي الدىرعان ادام ءتيىستى جازاسىن الۋى ءتيىس. الايدا ازىرگە ۆيدەو ءتۇسىرىپ، الەۋمەتتىك جەلىگە سالۋشىلارعا قارسى شاعىمدانعان ادامداردى ەستىمەدىك. دەسەك تە، الداعى ۋاقىتتا قاپەرىڭىزدە بولۋ ءۇشىن وسى سالا ماماندارى ۇسىنعان ەرەجەلەرگە نازار اۋدارىڭىز.
- ءىس-شارانى ۇيىمداستىرۋشىدان، مەنەدجەردەن نەمەسە داياشىدان رۇقسات سۇراڭىز.
- ەگەر كادرعا باسقا ادامدار كىرىپ كەتسە، ولارعا دا ءسىزدىڭ سۋرەتكە تۇسكىڭىز كەلەتىنى تۋرالى ەسكەرتۋ كەرەك.
- كەز كەلگەن جەكە ءىس-شارالاردا، توي، سۇندەت توي، تۋعان كۇن سياقتى شارا بارىسىندا ۇيىمداستىرۋشىدان مىندەتتى تۇردە رۇقسات سۇراڭىز.
- نەگىزىنەن مەيرامحانا، مەرەكەلىك ءىس-شارا ۇيىمداستىرۋشىلار وزدەرى تۋرالى حەشتەگ قالدىرۋىن سۇرايدى. ويتكەنى ولار ءۇشىن ءاربىر جازبا ماڭىزدى. دەسەكتە، جانىڭىزداعىلاردىڭ قۇقى ەسكەرۋىڭىز كەرەك.
ەسكەرەتىن ءبىر جايت، ىسكەرلىك جانە ديپلوماتيالىق كەزدەسۋلەردە سۋرەتكە تۇسۋگە بولمايدى. بۇل – ءسىز تۋرالى دۇرىس پىكىر قالىپتاستىرمايتىنى انىق.