الماتى گارنيزونىندا ساربازدارعا ارنالعان جاڭا اسحانا مەن مەديسينالىق پۋنكت اشىلدى. بۇل تۋرالى ق ر ۇلتتىق ۇلانى «وڭتۇستىك» وڭىرلىك قولباسشىلىعىنىڭ باسپا ءسوز قىزمەتى حابارلادى.
ق ر ىشكى ىستەر ءمينيسترىنىڭ ورىنباسارى – ۇلتتىق ۇلاننىڭ باس قولباسشىسى گەنەرال-لەيتەنانت ەركىن بوتاقانوۆ «وڭتۇستىك» وڭىرلىك قولباسشىلىعىنا بارعان ءىسساپارىندا 3660 اسكەري بولىمىندە جاڭادان اشىلعان مودۋلدىك ۇلگىدەگى اسحانا مەن مەديسينالىق پۋنكتتى ىسكە قوستى.
جاڭا اسحانادا ءبىر مەزەتتە 160 سارباز تاماقتانا الادى. اسحانا ازىق-تۇلىك راسيونى نورمالارىنا سايكەس ءتۇرلى تاعامداردى دايىنداۋعا مۇمكىندىك بەرەتىن زاماناۋي تەحنولوگيالىق جابدىقتارىمەن جاراقتالعان. نىسان قۇرىلىس جانە سانيتارلىق نورما تالاپتارىنا تولىق جاۋاپ بەرەدى. وندا اۆتونومدى جىلىتۋ، جەلدەتۋ جۇيەلەرى ورناتىلعان.
سونىمەن قاتار جاڭادان اشىلعان مەديسينالىق-سانيتارلىق كومەك ءبولىمى 900-گە جۋىق اسكەري قىزمەتشىگە مەديسينالىق قىزمەت كورسەتەدى. ەمدەۋ ورنىندا ناۋقاستارعا العاشقى مەديسينالىق كومەك كورسەتۋگە تولىق جاعداي جاسالعان. جاڭا نىسان ەمدەۋ، ەگۋ، ەمدەلۋشىلەردى قابىلداۋ، دارى-دارمەكتى ساقتاۋ كابينەتتەرىمەن جانە ستاسيونارلىق بولمەلەرمەن قامتىلعان. بۇدان باسقا مۇندا العاشقى مەديسينالىق كومەك تۇرلەرى، پروفيلاكتيكالىق تەكسەرۋلەر جانە تاعى باسقا ەمدەۋ-الدىن الۋ ءىس-شارالارى جۇرگىزىلەدى.
– جاڭا اسحانانى ىسكە قوسۋ تاماقتانۋدىڭ ۇيىمداستىرىلۋى مەن استىڭ ساپاسىن جاقسارتادى. ال قاجەتتى قوندىرعىلارمەن جابدىقتالعان مەديسينالىق پۋنكت اسكەري قىزمەتشىلەر ءۇشىن كورسەتىلەتىن مەديسينالىق كومەكتىڭ ساپاسىن ارتتىرۋعا مۇمكىندىك بەرەدى. ۇلتتىق ۇلان باسشىلىعى مەرزىمدى اسكەري قىزمەتتەگى جاۋىنگەرلەردىڭ الەۋمەتتىك-تۇرمىستىق جاعدايىن جايلى ەتۋگە، سونداي-اق ولاردى ساپالى وقىتىپ، دايارلاۋ ءۇشىن بار مۇمكىندىكتى جاساپ كەلەدى، – دەدى گەنەرال-لەيتەنانت ەركىن بوتاقانوۆ.