جىل باسىنان بەرى 1 ملن 119 مىڭ گەكتار جەر قايتارىلدى.
كوميسسيا اۋماعى 7،45 ملن گا جەردە 2 584 سۋبەكتىگە قاتىستى تەكسەرۋ جۇرگىزۋدى جوسپارلاپ وتىر، ونىڭ ىشىندە ەگىستىك الاڭى – 585،2 مىڭ گا، جايىلىم جەر – 6،86 ملن گا، دەپ حابارلايدى Almaty-akshamy.kz.
ق ر پرەمەر-مينيسترىنىڭ ءبىرىنشى ورىنباسارى رومان سكليار پايدالانىلماي جاتقان جانە زاڭنامانى بۇزا وتىرىپ بەرىلگەن جەرلەردى مەملەكەت مەنشىگىنە قايتارۋ جونىندەگى كوميسسيانىڭ كەزەكتى وتىرىسىن وتكىزدى.
وتىرىس بارىسىندا اۋىل شارۋاشىلىعى جەرلەرىن انىقتاۋ جانە قايتارۋ بويىنشا جۇرگىزىلىپ جاتقان جۇمىستاردىڭ ناتيجەلەرى قارالدى.
جىل باسىنان بەرى كوميسسيا شەشىمىمەن مەملەكەتكە 1 ملن 119 مىڭ گەكتار جەر قايتارىلدى.
قازىرگى ۋاقىتتا جالپى اۋماعى 2 ملن 94 مىڭ گا جەردى پايدالانۋشىلارعا قاتىستى 724 جوسپاردان تىس تەكسەرۋ جۇرگىزىلىپ جاتىر، 698،4 مىڭ گا جەردى تەكسەرۋ بويىنشا 48 ءوتىنىش پروكۋراتۋرا ورگاندارىندا تىركەۋ ساتىسىندا تۇر.
جالپى، كوميسسيا اۋماعى 7،45 ملن گا جەردە 2 584 سۋبەكتىگە قاتىستى تەكسەرۋ جۇرگىزۋدى جوسپارلاپ وتىر، ونىڭ ىشىندە ەگىستىك الاڭى – 585،2 مىڭ گا، جايىلىم جەر – 6،86 ملن گا.
بيىلعى 9 تامىزدا قازاقستان رەسپۋبليكاسىنىڭ پرەزيدەنتى جەر زاڭناماسىنىڭ ساقتالۋىنا تەكسەرۋ جۇرگىزۋگە ءموراتورييدىڭ كۇشىن جويۋدى كوزدەيتىن جارلىققا قول قويدى.
جوعارىدا اتالعان شارالاردى ەسكەرە وتىرىپ، جىل سوڭىنا دەيىن پايدالانىلماعان جانە زاڭنامانى بۇزا وتىرىپ بەرىلگەن اۋىل شارۋاشىلىعى جەرلەرىنىڭ كەم دەگەندە 5 ملن گەكتارىن مەملەكەتكە قايتارۋ كوزدەلگەن.