بىلتىرعى وسى كەزەڭدە باعانىڭ ءوسىمى 11،9% بولعان.
ق ر باسەكەلەستىكتى قورعاۋ جانە دامىتۋ اگەنتتىگى مالىمەتىنشە، جۇمىس ىستەپ تۇرعان قانت زاۋىتتارىنىڭ وندىرىستىك قۋاتى شيكىزاتپەن تۇراقتى قامتاماسىز ەتىلىپ، ىشكى نارىقتىڭ سۇرانىسىن قاناعاتتاندىرۋعا جەتكىلىكتى، دەپ حابارلايدى Almaty-akshamy.kz.
جىل باسىنان بەرى قانت باعاسىنىڭ ءوسۋى 86،6% بولدى (2021 جىلدىڭ سايكەس كەزەڭىندە – 11،9%). بۇگىندە قانت باعاسىنىڭ ءوسۋ قارقىنى تومەندەدى، ءبىراق ءوسۋ ديناميكاسى ساقتالىپ تۇر. 2022 جىلعى شىلدەدە بولشەك ساۋدا باعاسىنىڭ ءوسۋى 5،3% دەڭگەيىندە بولدى.
قازاقستاندا قانت ءوندىرۋدىڭ نەگىزگى كولەمىن ەكى ايماقتا ورنالاسقان ءتورت قانت زاۋىتى جۇزەگە اسىرادى:
جامبىل وبلىسىندا – «تاراز قانت زاۋىتى» (قانت قۇراعىنان ءوندىرۋ) جانە «مەركەن قانت» ج ش س (قۇراق + قىزىلشا)؛
الماتى وبلىسىندا – «كوكسۋ قانت زاۋىتى» ج ش س (قامىس + قىزىلشا) جانە «اقسۋ كانت» ج ش س (قىزىلشا).
جۇمىس ىستەپ تۇرعان قانت زاۋىتتارىنىڭ وندىرىستىك قۋاتى شيكىزاتپەن تۇراقتى قامتاماسىز ەتىلىپ، ىشكى نارىقتىڭ سۇرانىسىن قاناعاتتاندىرۋعا جەتكىلىكتى. وتاندىق شيكىزاتتىڭ دا، يمپورتتىق شيكىزاتتىڭ دا تاپشىلىعى يمپورتتىق شيكىزاتتى ساتىپ الۋ ءۇشىن قاجەت زاۋىتتاردىڭ اينالىم قاراجاتىنىڭ جەتكىلىكسىزدىگىنەن دامىدى.