بۇل تۋرالى بۇدان بۇرىن دا حابارلاعانبىز.
"حالىق زاڭگەرى" اكسياسى اياسىندا قازاقستاندىقتارعا زاڭگەرلەر مەن مەملەكەتتىك ورگان وكىلدەرى تەگىن كەڭەس بەرەدى، دەپ حابارلايدى Almaty-akshamy.kz
"حالىق زاڭگەرى" كەڭ اۋقىمدى رەسپۋبليكالىق اكسياسى 30 مامىردا ەلىمىزدىڭ بارلىق قالالارى مەن ەلدى مەكەندەرىندە ءبىر ۋاقىتتا وتەدى. بارلىق قۇقىق سالاسىنىڭ جەتەكشى ماماندارى ازاماتتاردى قابىلداپ، تۇيتكىلدى سۇراقتارعا جاۋاپ بەرەدى.
كەز كەلگەن ادام تەگىن زاڭگەرلىك كەڭەس الىپ، ۇكىمەت وكىلدەرىمەن تىكەلەي بايلانىسا الادى. ازاماتتاردى قابىلداۋ مەرزىمى شەكتەلمەيدى، ول سوڭعى كەلۋشىگە دەيىن جالعاسادى.
اكسياعا كاسىبي زاڭگەرلەر، سونىڭ ىشىندە تاجىريبەلى، بەدەلدى زاڭگەرلەر، نوتاريۋستار، پروكۋرورلار قاتىسادى. سونداي-اق، تەرگەۋشىلەرگە، سوت ورىنداۋشىلارىنا، پوليسيا قىزمەتكەرلەرىنە، كامەلەتكە تولماعاندارمەن جۇمىس ىستەيتىن قىزمەتكەرلەرگە، ادىلەت ورگاندارىنا، كوشى-قون پوليسياسىنا، بانك ومبۋدسمەنىنە ماسەلەڭىزدى ايتا الاسىز. قابىلداۋدى جاۋاپتى باسشىلىق قىزمەتتەردى اتقاراتىن ۇەۇ مەن مەملەكەتتىك ورگانداردىڭ وكىلدەرى جۇرگىزەدى.
كىرۋ جانە كەڭەس الۋ تەگىن. تولىق جانە ناقتى ۇسىنىستاردى الۋ ءۇشىن وزىڭىزبەن بىرگە ءىس بويىنشا قۇجاتتاردى الىپ كەلۋىڭىز كەرەك.
30 مامىردا قازاقستاننىڭ بارلىق قالالارى مەن ەلدى مەكەندەرىندە "حالىق زاڭگەرى" رەسپۋبليكالىق اكسياسى باستالادى.
ەلىمىزدىڭ ءاربىر تۇرعىنى مامانداردان تەگىن كەڭەس الا الادى. ءىس-شارا وتەتىن ورىنداردىڭ مەكەنجايلارى سىلتەمەدە كورسەتىلگەن.
رەسپۋبليكالىق ماڭىزدى 3 قالادا ماماندارمەن مىنا مەكەنجايلاردا كەڭەس الۋعا بولادى:
استانا
ءال-فارابي اتىنداعى وقۋشىلار سارايى: باۋىرجان مومىش ۇلى داڭعىلى، 5 ءۇي.
(17:00-دە باستالادى)
الماتى
Caspian University (كاسپيي ۋنيۆەرسيتەتى): دوستىق داڭعىلى، 85ا.
(17:00-دە باستالادى)
قونايەۆ اتىنداعى ۋنيۆەرسيتەت: قۇرمانعازى كوش.107.
(17:00-دە باستالادى)
شىمكەنت
اربات: بەيبىتشىلىك داڭعىلى، 4-6 ءۇي.
(16:00-دە باستالادى)
ءىس-شارا قازاقستان رەسپۋبليكاسى ۇكىمەتىنىڭ قولداۋىمەن وتەدى، ۇيىمداستىرۋشىلارى – قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگى، قازاقستان رەسپۋبليكاسى ادىلەت مينيسترلىگى، Zakon.kz ينتەرنەت-باسىلىمى، پاراگراف اقپاراتتىق جۇيەسى، رەسپۋبليكالىق زاڭگەرلەر كوللەدجى، مەملەكەتتىك ورگاندار، قازاقستاننىڭ ۇزدىك زاڭگەرلەرى مەن ادۆوكاتتارى.
ۇيىمداستىرۋشىلار "حالىق زاڭگەرى" رەسپۋبليكالىق اكسياسى اياسىنداعى بارلىق كەڭەستەر مۇلدەم تەگىن بەرىلەتىنىن تاعى دا ەسكە سالادى. بۇل ازاماتتىق قوعامدى دامىتۋعا، قۇقىقتىق كومەك كورسەتۋگە جانە قازاقستاندىقتاردىڭ قۇقىقتىق ساۋاتتىلىعىن ارتتىرۋعا قوسىلعان ۇلەس.
ال شاراعا قاتىسا المايتىندار ءۇشىن Zakon.kz ارنايى چات-بوتىن ىسكە قوستى. ونىڭ كومەگىمەن ساراپشىلارعا ازاماتتاردان سۇراقتار قابىلدانادى. ءبىراق سۇراماس بۇرىن، ءوز قالاڭىزدى كورسەتىڭىز.
ءقازىردىڭ وزىندە قازاقستاندىقتاردى قىزىقتىراتىن ۇلكەن كولەمدەگى اقپارات كەلىپ ءتۇستى، ونى ماماندار وڭدەپ جاتىر.
ازاماتتاردىڭ ءتۇرلى ساۋالدارى بار. بىرەۋلەر ازاماتتىق ءىس بويىنشا، بىرەۋلەر قىلمىستىق ءىس بويىنشا كەڭەسكە مۇقتاج. كوپتەگەن قازاقستاندىقتاردىڭ تۇرعىن ءۇي زاڭناماسىنا قاتىستى شەشىمىن تاپپاعان ماسەلەلەرى بولسا، باسقالارىنىڭ ەڭبەك، بانك، جەر جانە سالىق زاڭناماسىنا قاتىستى سۇراقتارى بار. بىرەۋلەردى وتباسىلىق-نەكەلىك قاتىناستار ماسەلەلەرى قىزىقتىرادى، باسقالارى - مۇراگەرلىك، جىلجىمايتىن مۇلىك، ايىپپۇلدار، ءبىلىم بەرۋ، نەسيە، كيبەربۋللينگ جانە تاعى باسقا داۋلى ماسەلەلەر. كوبىنەسە ادامدار قۇقىقتىق جانجال تۋىنداعان جاعدايدا ءوزىن قالاي قورعاۋ كەرەكتىگىن، نەدەن باستاۋ كەرەكتىگىن بىلمەيدى، بۇل جەردە "حالىق زاڭگەرىنىڭ" كومەگى باعا جەتپەس.
30 مامىرعا دەيىن ماماندارعا چات-بوتتا ءوز سۇراعىڭىزدى قويۋ مۇمكىندىگىن جىبەرىپ الماڭىز، وندا ءسىز مىندەتتى تۇردە ساۋاتتى جاۋاپ تابا الاسىز.