شومىلۋ ماۋسىمى جىل سايىن 1 ماۋسىمنان باستالادى. بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى توتەنشە جاعدايلار دەپارتامەنتى ازاماتتىق قورعانىس باسقارماسىنىڭ باستىعى ءانۋار يۋسۋپوۆ مالىمدەدى، دەپ حابارلايدى almaty-akshamy.kz
الماتى قالاسى اكىمدىگىمەن سۋدا جاپپاي دەمالۋعا ارنالعان 4 ورىن انىقتالدى:
- سايران كولىنىڭ باتىس جانە شىعىس بولىگى؛
- د.قونايەۆ اتىنداعى ۇاك بويىنداعى «گۇلدەر» دەمالىس ايماعى مەن «باۋم توعايى» جاعاجايى.
«الايدا سايران كولىندە ىرگەلەس اۋماقتى اباتتاندىرۋ جۇرگىزىلۋدە، جۇمىستاردى اياقتاۋ 2025 جىلدىڭ مامىر ايىندا جوسپارلانعان. د. قونايەۆ اتىنداعى ۇلكەن الماتى كانالىن گيدروتەحنيكالىق قۇرىلىستارمەن كۇردەلى جوندەۋگە بايلانىستى اعىمداعى جىلى كانالدى سۋمەن تولتىرۋ جوسپارى جوق»، - دەدى ءانۋار يۋسۋپوۆ.
وكق سپيكەرى اتاپ وتكەندەي، جازعى دەمالىس كەزەڭىندە قاۋىپسىزدىك مادەنيەتىن ارتتىرۋ ماقساتىندا ءبىلىم باسقارماسىمەن بىرلەسىپ قالا مەكتەپتەرى اراسىندا «ءقاۋىپسىز سۋ» قاۋىپسىزدىك اكسياسى وتكىزىلدى (جوسپار بەكىتىلدى)، وعان سايكەس بارلىق وقۋشىلار اراسىندا ەسسە، سۋرەت، قابىرعا گازەتتەرى كونكۋرستارى، تاقىرىپتىق سىزعىشتار، سونداي-اق «ءقاۋىپسىز سۋ» تاقىرىبىندا سىنىپ ساعاتتارى وتكىزىلدى.
سۋداعى جازاتايىم وقيعالاردىڭ الدىن الۋ ماقساتىندا دەپارتامەنت پوليسيا قىزمەتكەرلەرىن، رجقج قۇتقارۋشىلارىن، سونداي-اق ەرىكتىلەردى تارتا وتىرىپ، رەيدتىك ءىس-شارالار وتكىزەدى.
قازىرگى ۋاقىتتا دەپارتامەنت ب ا ق ارقىلى ۇگىت-ناسيحات جۇمىستارىن جۇرگىزۋدە، بارلىق ءبىلىم بەرۋ، دەنساۋلىق ساقتاۋ وبەكتىلەرىندە، ادامدار كوپ جينالاتىن ورىنداردا (سوو، ءسۇ، حقكو، ۆوكزالدار، مەتروپوليتەن، كينوتەاترلار)، سونداي-اق الماتى قالاسىنىڭ جولدارى بويىندا ورنالاسقان سمارتبوردتار مەن LED-ەكرانداردا بەينەروليكتەر كورسەتىلۋدە.
سونىمەن قاتار، شومىلۋ ماۋسىمى اياقتالعانعا دەيىن كۇنىنە ەكى رەت مەملەكەتتىك جانە ورىس تىلدەرىندە «اسپانفم»، «ەۋروپا پليۋس قازاقستان» جانە «نارودنوە راديو» راديوارنالارىندا «سۋداعى قاۋىپسىزدىك ەرەجەلەرى» تاقىرىبىندا اۋديوجازبالار تاراتىلادى، «Almaty tv» ارناسىندا كۇن سايىن «سۋداعى قاۋىپسىزدىك ەرەجەلەرى» تاقىرىبىندا بەينەروليك كورسەتىلەدى.