جارما اۋدانىنىڭ (اباي وبلىسى) سوتى ەليتالىق ەسكورت جەلىسىن ۇيىمداستىرعانى ءۇشىن سوتتالعان بلوگەر ايكا مىرزاحمەتوۆاعا جازا وتەۋدى ەكى جىلعا شەگەرۋگە شەشىم قابىلدادى، دەپ حابارلايدى اqshamnews.kz ءتىلشىسى.
سوتتىڭ مالىمەتىنشە، مىرزاحمەتوۆا 2024 جىلدىڭ 21 مامىرىندا قك-نىڭ 296-بابى 4-تارماعى جانە 309-بابى 2-بولىگىنىڭ 1-تارماعى بويىنشا 6 جىل 6 ايعا باس بوستاندىعىنان ايىرىلعان. ول جازاسىن ورتاشا قاۋىپسىزدىك دەڭگەيىندەگى تۇزەتۋ مەكەمەسىندە وتەۋگە ءتيىستى بولعان.
زاڭعا ەنگىزىلگەن وزگەرىستەردەن كەيىن سوتتالۋشى تاراپىنان جازا وتەۋدى شەگەرۋ تۋرالى ءوتىنىش بەرىلىپ، ونى سوت قارادى. سوت مىرزاحمەتوۆانىڭ 2020 جىلى تۋعان جاس بالاسى بار ەكەنىن، وڭ مىنەزدەمە العانىن، جەڭىلدەتىلگەن رەجيمدە وتىرعانىن، ورىنداۋعا قاتىستى بەرەشەگى جوق ەكەنىن ەسكەرىپ، قك-نىڭ 74-بابىنا سايكەس ءوتىنىشتى قاناعاتتاندىردى. جازانىڭ وتەلمەگەن بولىگى ەكى جىلعا شەگەرىلدى.
سوت شەشىمىنە سايكەس، بۇل كەزەڭدە مىرزاحمەتوۆانىڭ مىنەز-قۇلقىن پروباسيا قىزمەتى قاداعالايدى.
ەسكە سالايىق، 2024 جىلدىڭ مامىرىندا الماتىدا اتىشۋلى «ايكانىڭ تىزىمىمەن» تانىلعان بلوگەرگە 6 جىل 6 ايعا باس بوستاندىعىنان ايىرۋ جازاسى تاعايىندالعان ەدى.