ۇشاقتا جولاۋشىلاردى تاماقتاندىرۋدى ۇيىمداستىرۋعا ءتۇرلى فاكتورلار اسەر ەتەدى ەكەن، - دەپ حابارلايدى Almaty-akshamy.kz TravelRambler-گە سىلتەمە جاساپ.
تاسىمالداۋشىلار تاماقتى ۇسىنا ما، جوق پا، ۇسىنسا قانشا مولشەردە ەكەنىن وزدەرى شەشەدى. تاماقتاندىرۋ بيلەت قۇنىنا كىرۋى مۇمكىن نەمەسە بولەك تولەنەدى. ال ەكونوم ساناتتاعى كەي رەيستەردە ونداي مۇلدە جوق.
نەگە ولاي؟ بيزنەس ساناتتا جولاۋشىلاردى ۇنەمى تاماقتاندىرادى، ادەتتە ول مەيرماحانالار دەڭگەيىندە ازىرلەنگەن تاعامدار. ال ەكونوم ساناتتا جولاۋشىلاردى تاماقتاندىرۋعا ءتۇرلى فاكتور اسەر ەتەدى: جولدىڭ ۇزاقتىعى، بيلەت قۇنى جانە ناقتى ءبىر اۋە كومپانياسىنىڭ ەرەجەلەرى.
ەگەر ساپارىڭىز ءبىر ساعاتتاي عانا بولسا، جولاۋشىلارعا تەك سۋسىن ۇسىنادى. ەگەر 1-3 ساعاتتاي ۇشساڭىز - تىسكە باسار عانا بەرەدى. 3-6 ساعاتتىق ساپاردا ىستىق تاماق بەرىلەدى، 6-8 ساعات - تولىققاندى تاڭعى اس، تۇسكى نەمەسە كەشكى اس جانە تىسكە باسار جەڭىل تاماقتار، 8 ساعاتتان اسسا - ىستىق تاماق ەكى رەت بەرىلەدى.
استىڭ قانداي بولاتىنىن اۋە كومپنايالارى وزدەرى شەشەدى، بۇعان قاتىستى ورتاق ەرەجە جوق. ال لوۋكوستەرلەردە مۇلدە تاماق بەرىلمەۋى مۇمكىن.
سونىمەن قوسا، تاسىمالداۋشى جولاۋشىلاردى تاماقتاندىرماسا، بۇل زاڭنامانى بۇزۋ ەمەس. بورتتا اس ۇسىنۋ باسەكەلەستىك زامانداعى باسىمدىق الۋ جولى، الايدا كەيىنگى جىلدارى كوپتەگەن اۋە كومپانيالار ۇنەمدىك ءۇشىن جولاۋشىلاردى تاماقتاندىرۋدان باس تارتۋدا. ماسەلەن، American Airlines ءبىرىنشى ساناتتاعى ءار جولاۋشىنىڭ تاعامىنا ءبىر عانا ءزايتۇن قوسپاۋ ارقىلى 40 مىڭ دوللار ۇنەمدەگەن.
ءسىزدى بورتتا تاماقتاندىرا ما، جوق پا قالاي بىلۋگە بولادى؟ ادەتتە بيلەت قۇنىنا تاماقتاندىرۋ كىرسە، ول ارنايى سيمۆول نەمەسە ارىپتەرمەن بەلگىلەنەدى: ۆ – تاڭعى اس، L نەمەسە D – تۇسكى ىستىق اس، S – تىسكە باسارلار، ال ح – بىرنەشە رەت تاماقتاندىرۋ.