ورتالىق كوممۋنيكاسيالار قىزمەتىندە وتكەن بريفينگىدە قورعانىس ءمينيسترىنىڭ ورىنباسارى دارحان احمەدييەۆ اسكەرگە بارماعان ازاماتتارعا اسكەري بيلەت ونلاين فورماتتا ۇسىنىلاتىنىن ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«مەرزىمدى اسكەري مىندەتىن وتەمەگەن ازاماتتار اسكەري بيلەتتەردى كوميسسارياتتارعا بارىپ الۋدان بوساتىلادى. ەندى ولار قاعاز كۇيىندە ەمەس، سيفرلىق نۇسقادا ۇسىنىلادى. بۇل بيۋدجەت قاراجاتىن ۇنەمدەيدى جانە سىبايلاس جەمقورلىق تاۋەكەلدەرىن ايتارلىقتاي تومەندەتەدى. مىسالى، ءقازىر اسكەرگە بارماعاندار كوميسسارياتتارعا كەلىپ، اسكەري بيلەتتەرىن الىپ كەتەدى. سونىمەن قاتار، اسكەري بيلەتتەر جوعالعان كەزدە ولارعا ايىپپۇل سالىنادى. سوندىقتان ءبىز اتالعان پروسەستەردىڭ بارلىعىن الىپ تاستايمىز»، - دەپ ءتۇسىندىردى دارحان احمەدييەۆ وكق- وتكەن بريفينگىندە.
ياعني، مەرزىمدى اسكەري مىندەتىن وتكەرمەگەن ازاماتتىڭ جەكە كابينەتىندە ونىڭ اسكەري بيلەتى ەلەكتروندىق نۇسقادا كورسەتىلەدى. ءمينيستردىڭ ورىنباسارى اتاپ وتكەندەي، ءقازىر بۇل ۇسىنىستى ىسكە اسىرۋ ءۇشىن ءقازىر زاڭناماعا ءتيىستى وزگەرىس ەنگىزۋ جۇمىستارى قولعا الىنعان.
سونداي-اق، سپيكەر 17 جاستاعى بالالاردى اۆتوماتتى تۇرگە اسكەري ەسەپكە قويۋدان 1 ملرد تەڭگە ۇنەمدەلەتىنىن ايتتى.