زارداپ شەككەندەر پوليسياعا ارىزدانعان.
ۆولەيبولشى ءسابينا التىنبەكوۆانىڭ ۇستىنەن ارىز ءتۇستى، دەپ حابارلايدى Almaty-akshamy.kz
الەۋمەتتىك جەلىدە ءسابينا التىنبەكوۆانىڭ ونلاين كۋرسىنا اقشا تولەپ قاتىسىپ، سپورتشىنىڭ ءتۇرىن كورمەگەن ءبىر توپ ادامنىڭ الدانىپ قالعانى تۋرالى اقپارات جاريالاندى.
سپورتشىنىڭ ونلاين كۋرسى ادامدارعا ۇناماعانى ايتىلادى، ياعني اقىسىنا تاتىمايتىن كورىنەدى.
تالىمگەرلىك كۋرسقا قاتىسۋ ءۇشىن ءار ادام ءسابينا التىنبەكوۆاعا 290 مىڭ تەڭگە تولەگەن. كەيبىرەۋلەر، ءبولىپ تولەۋ ارقىلى تولەم جاساعان.
الماتى قالاسىنىڭ پوليسيا دەپارتامەنتى تۇركسىب اۋدانىنىڭ پوليسيا باسقارماسىنا 2023 جىلدىڭ 6 قازانىندا اتالعان فاكت بويىنشا ر. دەگەن ازاماتتان ارىز تۇسكەنىن حابارلادى.
«ق ر قىجك-نىڭ 179-بابىنا سايكەس، تاراپتار اراسىندا شارتتىق قاتىناستاردىڭ بولۋىن ەسكەرە وتىرىپ، ازامات ر-عا تالاپ قويۋ ارقىلى ازاماتتىق-قۇقىقتىق تارتىپتە سوتقا جۇگىنۋ ۇسىنىلدى»، - دەلىنگەن الماتى قالاسى پد باسپا ءسوز قىزمەتى تاراتقان حابارلامادا.