ەلىمىزدىڭ ءبىر توپ ونەرپازى وڭتۇستىك كورەيادا ۇزدىك دەپ تانىلدى

قاراعاندىلىق 2 ۇجىم چونان قالاسىندا وتكەن الەمدىك بي فەستيۆالىندە كۇمىس جۇلدەنى، جەڭىپ الدى.

جانە ءبىر قىزىمىز جەكەلەي سىندا جۇلدەلى بولدى، دەپ حابارلايدى Almaty-akshamy.kz 24.kz-كە سىلتەمە جاساپ. 

چونان قالاسىندا وتكەن حالىقارالىق بي فەستيۆالىندە  قازاقستاندىق كوماندا فينالعا شىقتى. جالپى سايىسقا 16 ۇجىم قاتىستى.ونىڭ 10-ى سوڭعى اينالىمعا جولداما الدى. ءبىزدىڭ ۇجىمنىڭ ەرەكشەلىگى ولار فولكلورلىق ءانسامبلدىڭ سۇيەمەلدەۋىمەن ونەر كورسەتتى.

حالىقارالىق فەستيۆالگە تەك فولكلورلىق ونەر ۇجىمدارى عانا قاتىسقان. قازاقتان نامىسىن "اققۋ" بي ءانسامبلى مەن "ارقا سازى" فولكلورلىق ءانسامبلى قورعادى. ءبىزدىڭ ونەرپازدار وڭتۇستىك كورەيادا ۇلتتىق كيىمنىڭ 5 ءتۇرىن كورسەتتى. كورەرمەندەر مەن قازىلار القاسى قازاقتىڭ بي ونەرى، حالىق اسپاپتارى جانە ۇلتتىق مۋزىكاسىمەن تانىستى.

«كورەيانىڭ ادامدارى، كورەرمەندەرى كەلىپ، بىزدەن مىناۋ نە شىعارما، اۆتورى كىم، كومپوزيتورى كىم دەپ سونداي سۇراقتار قويىپ، بىزدەرمەن فوتوعا ءتۇسىپ بىزدەردى جىبەرمەي. ساحنانىڭ سىرتىندا ءبىزدى جىبەرمەي جاتتى سولاي. "بي يمپروۆيزاسياسى" اتالىمى بويىنشا جەكە سايىستا جۇلدەلى ورىن قازاقستاندىق جانەل ورالعا بۇيىردى»، - دەيدى قاراعاندى كونسەرتتىك بىرلەستىگى باس ديرەكتورىنىڭ ورىنباسارى بايان احمەتجانوۆا.

قازاقستاندىق ارتىستەردىڭ ونەرىن 5 كۇندە 870 مىڭنان استام ادام تاماشالاعان. جارىس قورىتىندىسى جاريالانعان سوڭ كورەرمەندەر مەن ونەرپازدار ءداستۇر بويىنشا بىرگە بيلەدى. چونان قالاسىنداعى كەلەسى حالىقارالىق بي فەستيۆالى 2024 جىلدىڭ قىركۇيەگىنە بەلگىلەندى.