سالدارىنان الماتىدا قىزىلشا انىقتالعان تاعى ءبىر مەكتەپتىڭ باستاۋىش سىنىبى قاشىقتان وقۋعا كوشتى.
بۇعان دەيىن №172 مەكتەپتىڭ تومەنگى سىنىپ وقۋشىلارى ونلاين وقۋعا اۋىستىرىلعان بولاتىن، دەپ حابارلايدى Almaty-akshamy.kz Qazaqstan.tv-عا سىلتەمە جاساپ.
قالالىق ءبىلىم باسقارماسىنىڭ مالىمەتىنشە، ولار ەكى اپتا ۇيدە وقيدى. ءقازىر جالپى 18 ەرەسەك جانە 159 بالا ستاسيونارلىق ەم قابىلداپ جاتىر. ولاردىڭ جاعدايى ورتاشا اۋىر.بيىل ناۋرىز ايىنان باستاپ قىزىلشانىڭ زەرتحانالىق راستالعان 1600-دەن اسا جاعدايى تىركەلدى. ونىڭ 1400-گە جۋىعى 14 جاسقا تولماعاندار. اراسىندا 100-دەن اسا مەكتەپ وقۋشىسى بار.
«قازىرگى ۋاقىتتا الماتى قالاسىندا ينكۋباسيالىق كەزەڭ اياقتالماعان وقۋشىلار اراسىندا 105 جاعداي تىركەلگەن. مەديسينالىق باقىلاۋ جۇرگىزەدى. بالامەن قارىم-قاتىناستا بولعان ادامدار انىقتالادى. 21 كۇن مەديسينالىق باقىلاۋعا بولادى»، - قالالىق سانيتارلىق-ەپيدەميولوگيالىق باقىلاۋ دەپارتامەنتىنىڭ باس مامانى اسەل التايەۆا.