«الاتاۋ» ءداستۇرلى ونەر تەاترىندا «Alatau FM radiosy» سپەكتاكلىنىڭ پرەمەراسى مەن VIII تەاتر ماۋسىمىنىڭ رەسمي اشىلۋ سالتاناتى ءوتتى.
تەاتر ۇجىمى الداعى ماۋسىمداعى جاڭالىقتارىمەن ءبولىسىپ، تەاتر الاڭىندا ارتىستەردىڭ قىزىل كىلەمدەگى شەرۋى مەن مەرەكەلىك كونسەرت ۇيىمداستىرىلدى.
– بۇگىن VIII تەاتر ماۋسىمىنىڭ رەسمي اشىلۋ سالتاناتى ءوتىپ جاتىر. وسى ورايدا «Alatau FM radiosy» سپەكتاكلىنىڭ پرەمەراسى بولىپ جاتىر. ءبىز وتكەن ماۋسىمدى پرەمەرامەن جاۋىپ، پرەمەرامەن اشىپ جاتىرمىز. الداعى ۋاقىتتا كوپتەگەن قويىلىمدار قويامىز دەگەن جوسپار بار. سونىڭ ىشىندە ءبىرجان سال، نۇرعيسا تىلەندييەۆتىڭ 100 جىلدىعىنا، اباي قۇنانبايەۆتىڭ 180 جىلدىعىنا ارنالعان قويىلىمدار جوسپارلانۋدا. ءبىزدىڭ تەاترىمىزدا ونەرلى اكتەرلەرىمىزدەن بولەك، ءانشى، ءبيشى جانە كۇيشىلەرىمىز بار،– دەدى «الاتاۋ» ءداستۇرلى ونەر تەاترىنىڭ ديرەكتورى ماقسات نۇرالييەۆ.
– «Alatau FM radiosy» مۋزىكالىق كومەديا ءوزىمىزدىڭ قازاقستاندىق اۆتورلاردىڭ تۋىندىسى. جالپى قازىرگى ۋاقىتتاعى ماسەلەلەردى قامتيتىن قويىلىم. سپەكتاكل ءوز ارمانىڭا سەنىپ، ىسىڭە ادال بولۋدى جانە جاقىندارىڭا كوڭىل ءبولۋ سەكىلدى ىزگى قارىم-قاتىناستى ناسيحاتتايدى. قويىلىم شاعىن راديوستانسيانىڭ بۇكىل قالانىڭ داۋىسىنا اينالعانى تۋرالى وقيعانى باياندايدى. سونداي-اق، بۇل ەڭ قيىن جاعدايدادا وزىڭە جانە ارماندارىڭا سەنۋدىڭ ارقاسىندا تىعىرىقتان شىعۋدىڭ جولىن تابۋعا بولاتىندىعى تۋرالى قويىلىم،– دەدى قويىلىم رەجيسسەرى ەسلام نۇرتازين.
«اlatau FM radiosy» جاڭا مۋزىكالىق كومەدياسىندا كورەرمەندەردى ءازىل-قالجىڭى جاراسقان بۇگىنگى كۇننىڭ كەيىپكەرلەرى مەن جاندى داۋىستاعى ەرەكشە اندەرىن ۇسىندى. كورەرمەن جاسىنا قاراماستان، بۇل قويىلىم بارلىعىنا ناعىز مەرەكە سەزىمىن سىيلادى.
