ەلىمىزدىڭ ءبىرقاتار وڭىرىندە اۋا رايىنا بايلانىستى ەسكەرتۋ جاريالاندى

قازاقستاننىڭ كوپ بولىگىندە سيكلون مەن اتموسفەرالىق فرونتالدى بولىمدەردىڭ اسەرىنەن جاڭبىر، ەلدىڭ وڭتۇستىك-باتىسىندا قاتتى جاڭبىر، سولتۇستىگىندە جاۋىن-شاشىن (نەگىزىنەن جاڭبىر) كۇتىلەدى.

تەك وڭتۇستىك-شىعىستا، شىعىستا، ەلدىڭ ورتالىعىندا جاۋىن-شاشىنسىز اۋا رايى ساقتالادى. ق ر بويىنشا جەلدىڭ كۇشەيۋى كۇتىلۋدە، ەلدىڭ وڭتۇستىگىندە كۇندىز شاڭدى داۋىل، باتىستا، سولتۇستىك-باتىستا تۇنگى جانە تاڭەرتەڭگى ساعاتتاردا تۇمان بولادى.

«پاۆلودار، اقمولا وبلىستارىندا، اباي وبلىسىنىڭ باتىسىندا، سولتۇستىگىندە، ورتالىعىندا، شىعىس قازاقستان وبلىسىنىڭ سولتۇستىگىندە، وڭتۇستىگىندە، ورتالىعىندا، قاراعاندى وبلىسىنىڭ سولتۇستىگىندە، ۇلىتاۋ وبلىسىنىڭ شىعىسىندا، اقتوبە وبلىسىنىڭ سولتۇستىگىندە، سولتۇستىك-شىعىسىندا، باتىس قازاقستان وبلىسىنىڭ سولتۇستىك-شىعىسىندا، جامبىل وبلىسىنىڭ سولتۇستىك-شىعىسىندا، قوستاناي وبلىسىنىڭ باتىسىندا، وڭتۇستىك-شىعىسىندا، ماڭعىستاۋ وبلىسىنىڭ سولتۇستىگىندە، وڭتۇستىگىندە، ورتالىعىندا، سولتۇستىك قازاقستان وبلىسىنىڭ شىعىسىندا، قىزىلوردا وبلىسىنىڭ باتىسىندا جوعارى ءورت ءقاۋپى ساقتالادى»، — دەپ جازدى سينوپتيكتەر.

اتىراۋ، اقتوبە، قىزىلوردا، باتىس قازاقستان، ۇلىتاۋ وبلىستارىندا، تۇركىستان وبلىسىنىڭ سولتۇستىگىندە، باتىسىندا، ورتالىعىندا، تاۋ بوكتەرى مەن ءشولدى اۋداندارىندا، جامبىل وبلىسىنىڭ سولتۇستىك-باتىسىندا، قوستاناي وبلىسىنىڭ وڭتۇستىگىندە، قاراعاندى وبلىسىنىڭ باسىم بولىگىندە، شىعىس قازاقستان وبلىسىنىڭ باتىسىندا، اباي وبلىسىنىڭ ءۇرجار اۋدانىندا، جەتىسۋ وبلىسىنىڭ باتىسىندا، سولتۇستىگىندە، ورتالىعىندا، الماتى وبلىسىنىڭ، سولتۇستىگىندە، باتىسىندا توتەنشە ءورت ءقاۋپى ساقتالادى.