بۇل سۇراققا ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ جاۋاپ بەردى.
قازاقستان ۇكىمەتىنىڭ مۇشەلەرى ەكپە الۋعا قاتىستى ءجيى تۋىندايتىن سۇراقتاردىڭ بىرىنە جاۋاپ بەردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ەڭبەك جانە حالىقتى الەۋمەتتىك قورعاۋ ءمينيسترىنىڭ ايتۋىنشا، قازاقستان زاڭناماسىندا ۆاكسيناسيادان باس تارتقانى ءۇشىن اكىمشىلىك نەمەسە قىلمىستىق جاۋاپكەرشىلىك قاراستىرىلماعان.
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» ق ر كودەكسىنىڭ 77-بابىنا سايكەس، كەز كەلگەن مەديسينالىق ءراسىم، ونىڭ ىشىندە ۆاكسيناسيا ەكپە الۋشىنىڭ كەلىسىمىمەن عانا جۇرگىزىلەدى»، - دەدى مينيستر.
ۆدەومستۆو باسشىسى قازاقستان اۋماعىنا ينفەكسيالىق جانە پارازيتتىك اۋرۋلاردىڭ اكەلىنۋى جانە قازاقستان رەسپۋبليكاسىنىڭ بۇكىل اۋماعىنا تارالۋ ءقاۋپى تونگەن جاعدايدا دەنساۋلىق كودەكسىنىڭ 104-بابىنىڭ 1-تارماعى بويىنشا ق ر باس مەملەكەتتىك سانيتارلىق دارىگەرى ەۋرازيا ەكونوميكالىق وداعىنىڭ كەدەندىك شەكاراسىمەن تۇسپا-تۇس كەلەتىن ق ر مەملەكەتتىك شەكاراسى ارقىلى وتكىزۋ پۋنكتتەرىندە شەكتەۋ شارالارىن، ونىڭ ىشىندە كارانتين ەنگىزەتىنىن ەسكەرتكەن.
«وسىعان بايلانىستى، قازاقستان رەسپۋبليكاسىنىڭ باس مەملەكەتتىك سانيتارلىق دارىگەرى ءتيىستى قاۋلىلار قابىلدايدى. باس مەملەكەتتىك سانيتارلىق دارىگەردىڭ №67 قاۋلىسىندا كورسەتىلگەن ۇيىمداردىڭ/وبەكتىلەردىڭ COVID-19-عا قارسى ۆاكسينا الماعان (تۇراقتى مەديسينالىق قارسى كورسەتىلىمدەرى بار جانە سوڭعى 3 اي ىشىندە COVID-19-مەن اۋىرىپ جازىلعان ادامداردى قوسپاعاندا) قىزمەتكەرلەرى ءۇشىن كۇندىزگى رەجيمدە جۇمىسقا جىبەرىلۋىنە شەكتەۋ ەنگىزىلدى»، - دەيدى سەرىك شاپكەنوۆ.
اتالعان قاۋلىنىڭ 6-1-تارماعىنىڭ 1) تارماقشاسىندا كورسەتىلگەن ۇيىمداردىڭ ۆاكسينا الماعان قىزمەتكەرلەرى 7 كۇندە ءبىر رەت پتر-تەست تاپسىرىپ تۇرۋعا مىندەتتەلگەن. وسىعان بايلانىستى، جۇمىس بەرۋشى: ا) COVID-19-عا قارسى ۆاكسيناسيالاۋدى الماعان جۇمىسكەرگە قاشىقتىقتان جۇمىس نىسانىنا كوشۋدى ۇسىنۋعا (مۇنداي مۇمكىندىك بولعان جاعدايدا) قۇقىلى؛ b) قازاقستان رەسپۋبليكاسى ەڭبەك كودەكسىنىڭ 48-بابىنىڭ 1-تارماعىنا سايكەس قاشىقتان جۇمىس ىستەۋدەن باس تارتقان نە جۇمىستى ورىنداۋ مۇمكىندىگى بولماعان كەزدە جالاقىسى ساقتالماي شەتتەتىلەدى. بۇل رەتتە، جۇمىس بەرۋشى ۋاقىتشا بولماعان قىزمەتكەردىڭ مىندەتتەرىن ورىنداۋ ءۇشىن باسقا قىزمەتكەردى قابىلداۋعا قۇقىلى بولادى. c) جۇمىستى قاشىقتان ورىنداۋ مۇمكىندىگى بولماعان جاعدايدا جانە قىزمەتكەر جۇمىستى كۇندىزگى رەجيمدە جۇزەگە اسىرۋعا تىلەك بىلدىرسە، قىزمەتكەر ءوز ەسەبىنەن مىندەتتى پتر-تەستىلەۋدەن (7 كۇندە 1 رەت) ءوتۋى قاجەت. سونىمەن بىرگە، تاراپتاردىڭ كەلىسىمى بويىنشا مىندەتتى پتر-تەستىلەۋ (7 كۇندە 1 رەت) جۇمىس بەرۋشىنىڭ قاراجاتى ەسەبىنەن جۇزەگە اسىرىلۋى مۇمكىن.
«وسىلايشا، جۇمىس بەرۋشى ۆاكسينالاۋدان باس تارتۋعا بايلانىستى قىزمەتكەردى جۇمىستان شىعارۋعا قۇقىلى ەمەس. سونىمەن قاتار، قىزمەتكەرلەر وزدەرىنىڭ ەڭبەك قۇقىقتارىن قورعاۋ ءۇشىن جۇمىس بەرۋشىنىڭ ورنالاسقان جەرى بويىنشا ءتيىستى اكىمشىلىك-اۋماقتىق بىرلىكتىڭ ەڭبەك ينسپەكسياسى جونىندەگى باسقارماسىنا ءوتىنىش جاساۋعا قۇقىلى»، - دەپ جازىلعان رەسمي جاۋاپتا.