سونداي-اق، جازۋشى III ECG Eurasian Film Festival اياسىندا ءوز شىعارماسىنىڭ جەلىسىندە تۇسىرىلگەن «بالۋان شولاق» ءفيلمى ءۇشىن ارنايى ديپلوممەن ماراپاتتالدى.
ال جازۋشىنىڭ شىعارماسىنداعى مىقتى ايەلدىڭ بەينەسىنە قىزىعۋشىلىق تانىتقان الەمنىڭ ءتورت تەاترى «بورتە» سپەكتاكلىن ءوز ساحنالارىندا قويماق، دەپ حابارلايدى Almaty-akshamy.kz ءتىلشىسى.
جازۋشىنىڭ اتىنا شەت ەلدەن كەلگەن حاتتا اۆستراليالىق تەاتر قويىلىمدى 2022 جىلدىڭ كوكتەمىندە دايىن بولىپ، اۆستراليادا دا، قازاقستاندا دا لايىقتى تۇردە ساحنالاناتىنداي ەتىپ، ودان ءارى تالقىلاۋعا دايىن ەكەندىگى ايتىلعان.
دراماتۋرگ دۋلات يسابەكوۆتىڭ شىعارماسىن ساحنالاۋعا قىزىعۋشىلىق تانىتىپ وتىرعان تەاترلار مىنالار:
- Zurich English-Speaking Theatre (سيۋريح، شۆەيساريا)
- New World Theatre Club (ليۋكسەمبۋرگ)
- Volkstheater (ۆەنا، اۆستريا)
- Vass Productions / Alex Theatre in St Kilda (مەلبۋرن، اۆستراليا).
تاعى ءبىر قۋانىشتى جاڭالىق، جازۋشىنىڭ شۆەد تىلىنە اۋدارىلعان شىعارمالار جيناعى باسىلىپ شىقتى. كىتاپتى شۆەد تىلىنە نوبەل سىيلىعىنىڭ لاۋرەاتى، شۆەد كورولدىك عىلىم اكادەمياسىنىڭ اكادەميگى، امەريكا عىلىم جانە ونەر اكادەمياسىنىڭ مۇشەسى بەنگت سامۋەلسون اۋدارعان.
كىتاپتىڭ پرومو-پرەزەنتاسياسى بىلتىر لوندونداعى Oebf 2020 ادەبي فەستيۆالىنىڭ اياسىندا وتكەن بولاتىن. ال رەسمي تۇساۋكەسەرىن بيىل قازاقستاننىڭ ستوكگولمداعى ەلشىلىگىمەن بىرلەسىپ وتكىزۋ جوسپارلانىپ وتىر.