قايعىلى وقيعا 13 - تامىز كۇنى شامامەن ساعات 12-دە Qarasai park تۇرعىن ءۇي كەشەنى ماڭىندا، ءادي ءشارىپوۆ پەن قاراساي باتىر كوشەلەرىنىڭ قيىلىسىندا بولعان، دەپ حابارلايدى
الدىن الا مالىمەت بويىنشا، سىنىپ كەتكەن اعاش بۇتاعى ايەلدىڭ ۇستىنە قۇلاعان. ول وقيعا ورنىندا كوز جۇمدى.
مارقۇم سول ماڭداعى كەڭسەلەردىڭ بىرىندە بۋحگالتەر بولىپ جۇمىس ىستەگەن. وقيعا كەزىندە ول ارىپتەسىمەن بىرگە كەڭسەگە قايتىپ كەلە جاتقان. قاسىندا بولعان ارىپتەسى اعاشتان جالتارىپ ۇلگەرگەن.
27 جاستاعى ايەلدىڭ ارتىندا 6 جاستاعى بالاسى مەن كۇيەۋى قالدى.
بۇل فاكتى بويىنشا المالى اۋداندىق پوليسيا باسقارماسى قىلمىستىق ءىس قوزعادى. وقيعانىڭ ءمان-جايى انىقتالىپ جاتىر، دەپ حابارلادى الماتى قالاسى ءپد-نىڭ باسپا ءسوز قىزمەتى.