ءازىربايجاندىق كاسىپكەر اقتاۋدا ۇشاق اپاتىنان قازا تاپقان قازاقستاندىقتاردىڭ وتباسىلارىنا پاتەر سىيلادى، دەپ حابارلايدى aqshamnews.kz
قازاقستان مەن ءازىربايجان ەلشىلىكتەرى ۇشاق اپاتىنان قازا تاپقاندارعا ارناپ اس بەردى. وسى شارادا ءازىربايجاندىق كاسىپكەر ءاميل يۋسيفوۆ قازا تاپقان قازاقستاندىقتاردىڭ وتباسىلارىنا الماتى قالاسىنان ەكى بولمەلى بەس پاتەر كىلتىن تاپسىردى. باسپانا تولىق جيھازدارمەن جانە تۇرمىستىق تەحنيكامەن جابدىقتالعان. سونىمەن قاتار، قازاقستانعا ءۇش كولىك تاپسىردى — ماڭعىستاۋ وبلىسى توتەنشە جاعدايلار دەپارتامەنتىنە، قالالىق اۋرۋحاناعا جانە جەدەل جاردەم ستانسياسىنا.
ماڭعىستاۋ وبلىسىنىڭ اكىمى نۇرداۋلەت قيلىباي كاسىپكەرگە العىسىن ءبىلدىرىپ، بۇل قادام قازاقستان مەن ءازىربايجان اراسىنداعى دوستىقتىڭ تاعى ءبىر بەلگىسى ەكەنىن اتاپ ءوتتى.