الماتى كوميۋنيتي-ورتالىقتارى وتباسى بانكپەن بىرلەسىپ، جاستارعا ارنالعان قارجىلىق كەڭەس بەرۋ باعدارلاماسىن ىسكە قوستى، دەپ حابارلايدى aqshamnews.kz
الماتى قالاسىنداعى كوميۋنيتي-ورتالىقتارى وتباسى بانكپەن بىرلەسىپ، جاستارعا ارنالعان جەكە قارجىلىق كەڭەس بەرۋ باعدارلاماسىن باستادى. بۇل باستاما جاستاردىڭ قارجىلىق ساۋاتتىلىعىن ارتتىرىپ، ءوز قاراجاتىن ءتيىمدى باسقارۋعا كومەكتەسۋگە باعىتتالعان.
باعدارلاما اياسىندا قاتىسۋشىلار قارجى سالاسىنداعى وزەكتى اقپاراتتاردى الىپ، جەكە بيۋدجەت جۇرگىزۋدىڭ نەگىزگى قاعيدالارىن مەڭگەرەدى. ساراپشىلار كىرىستەر مەن شىعىستاردى دۇرىس باسقارۋ جولدارىن ءتۇسىندىرىپ، جيناق جاساۋ، نەسيە الۋ، ينۆەستيسيا سالۋ تۋرالى ماڭىزدى كەڭەستەر بەرەدى. جاستار وزدەرىن قىزىقتىرعان سۇراقتارىن قويىپ، قارجىلىق تۇراقتىلىقتى قالىپتاستىرۋعا ارنالعان پراكتيكالىق ۇسىنىستار الا الادى.
كەڭەس الۋعا كوميۋنيتي ورتالىقتاردىڭ جۇمىس كەستەسىنە سايكەس كەلۋگە بولادى. كەڭەس بەرۋ كۇنىن ءبىلۋ ءۇشىن وزىڭىزگە ىڭعايلى كوميۋنيتي ورتالىققا بارىپ، تولىق اقپارات الۋعا بولادى.
الماتى قالاسى جاستار ساياساتى باسقارماسىنىڭ اقپاراتى بويىنشا، بۇل جوبا جاستاردىڭ قارجىلىق ساۋاتىن ارتتىرىپ، قارجىلىق تاۋەلسىزدىككە قول جەتكىزۋىنە مۇمكىندىك بەرۋگە باعىتتالعان.