بانكروتتىق بويىنشا بارلىق تۇسكەن وتىنىشتەردىڭ 83 پايىزى قارالعان.
بۇل تۋرالى وڭىرلىك كوممۋنيكاسيالار قىزمەتى الاڭىندا الماتى قالاسى بويىنشا مەملەكەتتىك كىرىستەر دەپارتامەنتىنىڭ وكىلدەرى باياندادى، دەپ حابارلايدى Almaty-akshamy.kz.
«قازاقستان رەسپۋبليكاسى ازاماتتارىنىڭ تولەم قابىلەتتىلىگىن جانە بانكروتتىعىن قالپىنا كەلتىرۋ تۋرالى» زاڭدى ىسكە اسىرۋ اياسىندا 3 ناۋرىزدان باستاپ بانكروتتىق تۋرالى ازاماتتاردىڭ وتىنىشتەرىن قابىلداۋ باستالدى. اعىمداعى جىلدىڭ 24 ساۋىرىندەگى جاعداي بويىنشا 3 662 ءوتىنىش ءتۇستى»، - دەدى مەملەكەتتىك كىرىستەر دەپارتامەنتى قارىزدارمەن جۇمىس باسقارماسىنىڭ باسشىسى ايدوس بۋدۋگۋلوۆ.
ءوتىنىش بەرۋشىلەردىڭ 362ء-ى ااك الۋشىلار. بەس جىل بويى بەرەشەگى بار 690 ازامات جۇگىنگەن.
مەملەكەتتىك كىرىستەر دەپارتامەنتى مالىمەتىنشە، بۇگىندە 3662 ءوتىنىشتىڭ 3055ء-ى قارالعان. ونىڭ ىشىندە 503 ازاماتقا قاتىستى سوتتان تىس بانكروتتىق ءراسىمى قوزعالعان، بۇل تۇسكەن وتىنىشتەردىڭ 14% پايىزىن قۇرايدى.
ازاماتتاردىڭ 2 552 ءوتىنىشى بويىنشا سوتتان تىس بانكروتتىق بويىنشا ءوتىنىش بەرۋدەن باس تارتتى، كەيبىر نەسيەلىك كەلىسىمدەردىڭ ورىندالماۋىنان – كەشىكتىرۋ مەرزىمى 12 ايدان اسپاي، سونىمەن قاتار مۇلىكتىڭ بار ەكەنى انىقتالادى. مۇنداي وتىنىشتەردىڭ سانى 70 پايىزدى قۇرايدى.
«سوتتان تىس تارتىپتە بانكروتتىق تۋرالى ءوتىنىش بەرگەندە بەلگىلى ءبىر تالاپتار قويىلادى. ازاماتتار بۇل ءتارتىپتى 1600 اەك-تەن جوعارى (2023 جىلى – 5 ملن 520 مىڭ تەڭگە) جانە كرەديتورلار الدىنداعى بەرەشەكتەردىڭ بارلىق تۇرلەرى بويىنشا قولدانا الادى»، - دەپ ناقتىلادى بريفينگ سپيكەرى.
605 وتىنىشكە قاتىستى (بۇل بارلىق تۇسكەن وتىنىشتەردىڭ 16%-ى) تەكسەرۋ جۇرگىزىلۋدە.
سوت بانكروتتىعىنا قاتىستى بۇگىنگە دەيىن 58 ءوتىنىش تۇسكەن. ولاردىڭ ىشىنەن:
- 6 ازاماتقا بانكروتتىق تۋرالى ازاماتتىق ءىس قوزعاۋ تۋرالى سوت ۇيعارىمى شىعارىلىپ، قارجى مەنەدجەرلەرى تاعايىندالعان.
- 32 ازامات بويىنشا سوت ارىزدى قايتاردى، ارىزدى قابىلداماۋدىڭ نەگىزگى سەبەبى تالاپ-ارىزدىڭ تالاپقا سايكەس كەلمەۋى بولىپ تابىلادى.
سونداي-اق، ازاماتتار بانكروت دەپ تانىلعاندىقتان، ولارعا 5 جىل بويى نەسيە بەرىلمەيتىنى ەسكەرتىلەدى.
جۋرناليستەردىڭ سۇراقتارىنا جاۋاپ بەرگەن ايدوس بۋدۋگۋلوۆ ءوزىن بانكروت دەپ جاريالاعىسى كەلەتىن جەكە تۇلعالاردىڭ ءاربىر ءوتىنىشى 15 جۇمىس كۇنى ىشىندە قارالاتىنىن باسا ايتتى. بانكروتتىق ءراسىمىنىڭ ءوزى 6 ايعا سوزىلادى، ونىڭ مەرزىمى وتكەننەن كەيىن بانكروت دەپ تانىلعان ازاماتتاردىڭ ءتىزىمى ۋاكىلەتتى ورگاننىڭ رەسمي سايتىندا جاريالانادى.
سوتتان تىس بانكروتتىق تۋرالى ءوتىنىش بەرۋ ءۇشىن ازاماتتار «e-Salyq Azamat» قوسىمشاسى ارقىلى، سونداي-اق ازاماتتارعا ارنالعان ۇكىمەت پورتالىنا جۇگىنە الادى. سونىمەن قاتار، حقو ارقىلى قاعاز جۇزىندە ءوتىنىش بەرۋگە بولادى.
ال سوتتىڭ بانكروتتىق راسىمىنەن ءوتۋى ءۇشىن تۇرعىلىقتى جەرى بويىنشا سوتقا جۇگىنۋ قاجەت.