كۋاگەرلەر بالانىڭ ويناپ جۇرگەن جەردەن كەنەت كورىنبەي كەتكەندىگىن بايقاعان.
سەمەيدە ەرتىس وزەنىنە 6 جاسار بالا اعىپ كەتتى، دەپ حابارلايدى اlmaty-akshamy.kz.
وقيعا 21 ءساۋىر كۇنى كەشكە قاراي بولعان. ساعات 19: 56-دا قۇتقارۋ قىزمەىنە ءجاسوسپىرىمنىڭ جوعالىپ كەتكەندىگى تۋرالى حابار كەلىپ تۇسكەن. قۇتقارۋشىلار اتالعان جەرگە جەدەل جەتىپ ىزدەستىرۋ جۇمىستارىن جۇرگىزگەن. قالاداعى ەرىكتىلەر مەن تۇرعىندار دا جۇمىلدىرىلدى.
وكىنىشكە وراي، بۇگىن تاڭعى 9:45 تە ەر بالانىڭ ءولى دەنەسىن وقيعا ورنىنان 15 شاقىرىم جەردەن ءوتىپ بارا جاتقان ادامدار تاۋىپ العان.
«سۋ وبەكتىلەرىندەگى قاۋىپسىزدىك ەرەجەلەرىن ساقتاماۋ جانە سۋ وبەكتىلەرىنىڭ جانىندا بالالاردىڭ كوڭىل كوتەرۋى قاۋىپكە اكەلۋى مۇمكىن ەكەنىن ەسكە سالامىز، سوندىقتان ەرەسەكتەردىڭ مىندەتى – ءار بالانى قورعاۋ! وتە مۇقيات بولىڭىز، بالالارىڭىزدى قاراۋسىز قالدىرماڭىز! بالالارعا سۋ وبەكتىلەرىنىڭ جانىندا جانە وزەن جاعاسىندا بولۋ قانشالىقتى ءقاۋىپتى ەكەنىن ءتۇسىندىرىڭىز! ءقازىر ءشۇلبى سۋ قويماسىنان سۋ اعىنىنىڭ جوعارىلاۋىنا بايلانىستى ەرتىس وزەنىنىڭ دەڭگەيى كوتەرىلىپ، اعىس كۇشەيگەن. وسىعان بايلانىستى بالالاردى جاعالاۋدا ەرەسەكتەردىڭ قاراۋىنسىز قالدىرۋ ءقاۋىپتى»، – دەيدى اباي وبلىسى تجد باسپا ءسوز قىزمەتى.