قازاقستان رەسپۋبليكاسىنىڭ وقۋ-اعارتۋ مينيسترلىگى ءمۇعالىم ماماندىعىنىڭ مارتەبەسىن كوتەرۋ جانە شىعارماشىلىق بەلسەندىلىگىن ارتتىرۋ ماقساتىندا كاسىبي قىزمەتىندە جوعارى جەتىستىكتەرگە قول جەتكىزىپ جۇرگەن پەداگوگتاردىڭ قاتىسۋىمەن جىل سايىن «ۇزدىك پەداگوگ» رەسپۋبليكالىق بايقاۋىن وتكىزىپ كەلەدى.
بيىلعى جىلى المالى اۋدانى ءبىلىم بەرۋ ۇيىمدارىنىڭ اراسىندا رەسپۋبليكالىق «ۇزدىك پەداگوگ» بايقاۋىنا قاتىسىپ باعىن سىناماققا نيەت ەتكەن ۇمىتكەرلەر قاتارى قالىڭ بولدى. بايقاۋعا ءبىزدىڭ اۋداننان 17 ۇمىتكەر قاتىستى. اۋداندىق كەزەڭدە 100 بالدىڭ 80 پايىزىنان جوعارى ۇپاي جيناعان ب.اتىحان ۇلى اتىنداعى №36 گيمنازيانىڭ ورىس ءتىلى ءپانىنىڭ ءمۇعالىمى سالتانات تولەبايەۆا، №24 ليسەيدىڭ ماتەماتيكا ءپانىنىڭ ءمۇعالىمى باقىتجامال لاحانوۆا، №147 گيمنازيانىڭ كوركەم ەڭبەك ءپانىنىڭ ءمۇعالىمى گۇلناز توكابايەۆا قالالىق كەزەڭگە جولداما الىپ وتىر. جەڭىمپازداردى المالى اۋدانى ءبىلىم ءبولىمىنىڭ باسشىسى زويا قويشىبايەۆا ديپلومدارمەن ماراپاتتاپ، المالى اۋداندىق «ۇستاز» كاسىپوداعىنىڭ ءتورايىمى راۋشان ورازالييەۆا باعالى سىيلىقتاردى تابىس ەتتى. قالالىق كەزەڭگە وتكەن ۇستازدارىمىز بيىك بەلەستەردى باعىندىرادى دەگەن سەنىمدەمىز.
روزا ماكەجانوۆا،
№147 گيمنازيا ديرەكتورى