ۇستاز... مەكتەپ... وقۋشى... وسى ءبىر سوزدەردى ەستىگەننەن-اق جۇرەگىم جىلىپ سالا بەرەدى. الدىمنان قانشا شاكىرت تۇلەپ ۇشسا دا، وزىمە العاش ءارىپ ۇيرەتكەن ۇستازىمدى ەستەن شىعارعان ەمەسپىن. ويتكەنى، مەن جەتكەن ءار بيىكتە العاشقى ۇستازىمنىڭ قولتاڭباسى بار. ۇستاز بولۋ – جانام دەگەن جۇرەككە وت بەرەتىن، جاۋاپكەرشىلىك پەن دانالىقتان تۇراتىن ۇلى قىزمەت... شاكىرتىم ءبىلسىن، ۇيرەنسىن دەگەن ءاربىر ءسات – ۇستاز ءۇشىن ەڭ باقىتتى ءسات، ويتكەنى ۇستازدىق – كەز كەلگەنگە بۇيىرمايتىن سىباعا! باقىتىن شاكىرتىنەن ىزدەيتىن، ۇستازدىڭ تىنىمسىز ەڭبەگىنەن تۇراتىن، دارا دا دانا ماماندىق. سان جىلدار بويى ەڭبەك ەتە ءجۇرىپ، تۇيگەنىم، ۇستازدى شابىتتاندىرۋشى – شاكىرت، ال شاكىرتتى شابىتتاندىرۋشى – ۇستاز!
ۇستاز – ءار شاكىرتتىڭ جۇرەگىنە نۇر قۇياتىن، كۇننىڭ ساۋلەسىندەي ولاردى ءبىلىم شىڭىنا جەتەلەيتىن، اياۋلى دا ارداقتى جان. وسىناۋ ماماندىق يەلەرىمەن ءومىر ءماندى، نەگە دەسەڭىز، دانا دا، دارا دا ۇستاز الد ى ن ا ن ش ى ع ا د ى . ۇ ل ت ۇ س ت ا ز ى ا.بايتۇرسىنوۆتىڭ تۋعان كۇنى 5 قازاننىڭ ۇستازدار كۇنى بولىپ اتالۋى – كوڭىلگە ۇلكەن قۋانىش ۇيالاتقانىن جاسىرمايمىن. الماتى قالاسىنداعى وقۋ-اعارتۋ سالاسىنداعى، مەكتەپ، بالاباقشالاردا ەڭبەك ەتەتىن بارشا ۇستازداردى ءتول مەرەكەسىمەن قۇتتىقتاپ، م.ماقاتايەۆ اتىنداعى №140 گيمنازيانىڭ ۇستازدارى جايلى تىلەك-تولعاۋىمدى بىلدىرمەكپىن.
ۇستاز – تىلەكپەن، نيەتپەن، ءوزىنە ايتىلعان العىسپەن قاناتتانادى. ۇستازعا شاعىم ايتۋ، ەڭبەگىن باعالاماۋ – ايىپتاردىڭ ەڭ اۋىرى. ۇستاز ەشقاشان شاكىرتىنە جاماندىق تىلەمەيدى، ويتكەنى ونىڭ ەڭبەگى سول ءوزى باپتاعان شاكىرتپەن باعالانادى. ەڭ الدىمەن، قوعام ۇستازدى قادىرلەۋگە، قۇرمەتتەۋگە دايىن بولعاندا ۇستاز دا شابىتتانا جۇمىس جاسايتىنىن ۇمىتپاۋىمىز كەرەك. ۇستاز شابىتتانعاندا نە ءىستەي الادى؟ شىنايى شىعارماشىلىقپەن ۇزدىكسىز ىزدەنىستە جۇمىس جاسايدى، وتكەنگە ەسەپ بەرىپ، جاڭانى جوسپارلايدى. وسىدان قايناعان تىرشىلىككە ءتوزىمدى، جان-جاقتى تۇلعا قالىپتاستىرۋدا تىنباي ەڭبەكتەنەتىن ارىپتەستەر الەمى قالىپتاسادى. ۇستازدىق، مىنە، وسىنىسىمەن قۇندى، وسىنىمەن قاستەرلى! م.ماقاتايەۆ اتىنداعى №140 گيمنازيا اكىمشىلىگى باسقارۋ مەنەدجمەنتىندە وسىلاردى باسشىلىققا الادى.
ءبىلىمدى ۇرپاق قالىپتاستىرۋ ءۇشىن ۇستازدىڭ جاعدايىن جاساۋىمىز كەرەك. ۇستازعا جاسالعان جاعداي – ۇرپاققا جاسالعان جاعداي. ءقازىر مەملەكەت تاراپىنان ۇستازدارعا بارلىق جاعداي جاسالۋدا، ال قازىرگى ماقسات – ءار مەكتەپ باسشىسىنىڭ ءوزى باسشىلىق جاسايتىن مەكتەپتە قولايلى ورتا قالىپتاستىرۋى. ءار ۇستاز – ءبىر تۇلعا. ءارقايسىسىنىڭ ايتارى بار، ءاربىرى تولى كەن، ءتۇرتىپ كەتسەڭ، شىعارماشىلىقتىڭ لەبى ەسەتىن، ءارقاشان وقۋشىمەن جۇمىس جاساۋعا ۇمتىلىپ تۇراتىن ۇستازعا ەركىندىك بەرۋ ارقىلى كوپ ءتۇيىندى ماسەلەلەردى شەشۋگە بولادى.
ول قانداي ەركىندىك؟ شىعارماشىلىق ەركىندىك پەن كوشباسشىلىق ەركىندىك. ءاربىرىنىڭ ايتارىن تىڭداپ، ورتاق شەشىم شىعارۋ ارقىلى شاكىرت جۇرەگىنە جول تاۋىپ جۇرگەن №140 گيمنازيانىڭ ۇستازدارى – وسىنداي ەركىندىكتىڭ يەسى. «پەداگوگيكالىق جۇمىستاعى شەشۋشى نارسە – ەڭ جاقسى وقىتۋ ادىستەرىن تابا بىلۋدە» دەپ اعارتۋشى ىبىراي التىنسارين ايتقانداي، №140 گيمنازيا ۇستازدارى – جاڭا يننوۆاسيالىق تەحنولوگيالاردى مەڭگەرگەن، ءبىلىمدى ۇرپاقتى قاناتتاندىرۋ جولىندا ايانباي ەڭبەكتەنىپ كەلە جاتقان، كاسىبي شەبەر ماماندار س.تەمىربايەۆا، ن.تەمىروۆا، ا،ەرتۋعانوۆا، س.ساپاروۆا، ل.ءومىرزاقوۆا، ش.ابدىبايەۆا، ر.سەيدالييەۆا، ا.بەسىروۆا، ك.ەرتۋعانوۆا، ج.اسانوۆا، گ.چايزادانوۆا، ب.يسكاكوۆا، گ.دۇيسەنوۆا، ز.نازاروۆا، ا.جاقىپبەكوۆا، ب.ساتايەۆا، ە.بازىلجان، ل.قارعابايەۆا، ۇ.مىرزابەكوۆا، ق.قاپشايەۆتار – گيمنازيا ماقتانىشتارى.
ءار پەداگوگ گيمنازياعا قۋانا كەلىپ، قۋانا قايتادى. نەگە دەسەڭىز، پەداگوگتىڭ كوڭىل كۇيى جۇمىستىڭ ساپالى جۇرۋىنە ىقپالىن تيگىزەدى. ءاربىر ءمۇعالىم ۇستازدىق قىزمەت بارىسىندا پەداگوگيكالىق ادەپ قاعيدارلارىن قاتاڭ ۇستانادى. ۇستاز ەتيكاسى – ءمۇعالىم مەن بالا، اتا-انا مەن ءمۇعالىم اراسىنداعى قارىم-قاتىناستى دۇرىس ورناتۋعا نەگىز ءارى ۇجىم ىشىندەگى، ءمۇعالىمدەر، وقۋشىلار، اتا-انالار اراسىنا التىن كوپىر بولۋدا.
ۇستازدىق – ۇلى قىزمەت. وسىناۋ ماماندىقتىڭ يەسى بولا ءجۇرىپ تۇيگەنىم: ۇلىلىقتىڭ كىلتى – قاراپايىمدىلىقتا! تاريحتا اتى قالعان نەبىر دانا، دارالار وزدەرىنىڭ بيىكتىگىن قاراپايىمدىلىعىمەن تانىتقان. گيمنازيا ۇستازدارىنىڭ ءبىر شوعىرىن كاسىبي شەبەر، ادىسكەر ۇستازدار قۇراسا، ءبىر شوعىرىن جاس ماماندار قۇرايدى. 30-عا تارتا ەر مۇعالىمدەر ۇستازدىق قىزمەت ەتەتىن گيمنازيا – ۇلتتىق قۇندىلىقتاردىڭ ورداسى رەتىندە دە تانىمال. قىركۇيەك ايىنىڭ 23ء-ى كۇنى گيمنازيانىڭ وسىپ-وركەندەۋىنە ۇلەس قوسىپ كەلە جاتقان ارداگەر، كاسىبي شەبەر ۇستازدارى ارتقى تولقىنعا ۇلگى-ونەگە كورسەتۋ ءۇشىن، «ۇلىق بولساڭ، كىشىك بول!» ايدارىمەن ۇستازدار مەرەكەسى قارساڭىندا ءبىر تاماشا جوبا – «تۇلعاڭدى ارمانىما ۇقساتقانمىن» اتتى مۇعالىمدەر كۇنىنە ارنالعان مۋزىكالىق ريەۆيۋ وتكىزدى. بۇنىڭ ءوزى الدىڭعى تولقىننىڭ ءىزباسار تولقىنعا تاماشا سىيى بولدى.
گيمنازيا ۇستازدارى 2014 جانە 2017 جىلدارى «التىن بەلگىگە» مەكتەپتى بىتىرگەن ن.ءابدىماناپ، ب.شايزاح، ب.مولداعالي، ج.بەسقۇلانوۆا سىندى شاكىرتتەرىمىزدىڭ التىن ۇيا مەكتەبىنە ورالىپ، قازىرگى تاڭدا ۇستازدارىمەن ۇزەڭگىلەس، ارىپتەس ەكەندىگىن ماقتان ەتەدى.
سونداي-اق، ۇجىمداسا بىلگەننىڭ ۇتاتىنىنا، ۇلكەننىڭ كىشىگە ىزەتى، كىشىنىڭ ۇلكەنگە قۇرمەتى بار جەردە بىرلەسە تىرلىك جاساپ، تاماشا ءناتيجەلەرگە قول جەتكىزۋگە بولاتىنىن گيمنازيا ۇستازدارى دالەلدەپ كەلە جاتىر.
ۇستاز – بيىك ءارى ماڭگىلىك ەسىم. وسىناۋ ۇلى ماماندىق يەسى رەتىندەگى ەڭبەكتەرىڭىز ءارقاشان ەلەنىپ، قادىر-قاسيەتتەرىڭىز ارتا بەرسىن! سىزدەرگە دەنساۋلىق، اماندىق، باياندى عۇمىر تىلەيمىن! سانالى ۇرپاق قالىپتاستىرۋ جولىنداعى قادامدارىڭىز ءساتتى بولسىن! قاناتتارىڭىز تالماسىن، قالامدارىڭىز مۇقالماسىن، شابىتتارىڭىز سارقىلماسىن! دارىندى شاكىرتتەرىمىز كوپ بولسىن!
ءسانيا تىلەۋباي، «قۇرمەت» وردەنىنىڭ يەگەرى،
م.ماقاتايەۆ اتىنداعى №140 گيمنازيا ديرەكتورى.