اكىم قاۋلىسى 1 تامىزدان باستاپ كۇشىنە ەنەدى.
«ۇلىتاۋ» ۇلتتىق تابيعي پاركىنىڭ شەكاراسى كەڭەيەدى، دەپ حابارلايدى Almaty-akshamy.kz
«ۇلىتاۋ وبلىسىنىڭ اۋماعىنداعى ەكولوگيا جانە تابيعي رەسۋرستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ «ۇلىتاۋ» مەملەكەتتىك ۇلتتىق تابيعي پاركى» رەسپۋبليكالىق مەملەكەتتىك مەكەمەسى شەكاراسىنىڭ اينالاسىنداعى جەر ۋچاسكەلەرىنىڭ مەنشىك يەلەرى مەن جەر پايدالانۋشىلاردان الماي جانە جەر ساناتىن وزگەرتپەي، ەنى ەكى كيلومەتردەن كەم ەمەس، جالپى اۋدانى 28 420 گەكتار جەر كۇزەت ايماعى بولىپ بەلگىلەنسىن»، - دەلىنگەن ۇلىتاۋ وبلىسىنىڭ اكىمى بەرىك ءابدىعالي ۇلى قول قويعان قاۋلىدا.
تيىسىنشە، قوسىلعان جەر اۋماعىندا مىناداي ارەكەتتەرگە جول بەرىلمەيدى:
- ۇلتتىق پاركتىڭ ەكولوگيالىق جۇيەلەرىنە زياندى اسەر ەتەتىن وبەكتىلەر ورنالاستىرۋعا، جوبالاۋعا، سالۋعا جانە پايدالانۋعا، جاڭا تەحنولوگيالاردى ەنگىزۋگە؛
- لاستاۋشى زاتتار مەن سارقىندى سۋلاردى اتموسفەراعا شىعارۋ جانە اشىق سۋ كوزدەرى مەن رەلەفكە توگۋگە؛
- پايدالى قازبالاردى بارلاۋ مەن وندىرۋگە؛
- اڭ اۋلاۋعا؛
- راديواكتيۆتى ماتەريالدار مەن ونەركاسىپتىك قالدىقتاردى كومۋگە؛
- ۇلتتىق پاركتىڭ ەكولوگيالىق جۇيەلەرىنىڭ گيدرولوگيالىق رەجيمىن وزگەرتۋى مۇمكىن قىزمەتكە (بوگەتتەر، دامبالار، گيدروتەحنيكالىق قۇرىلىستار جانە تابيعي سۋ اعىنىن توقتاتۋعا نەمەسە ازايتۋعا دۋشار ەتەتىن باسقا دا وبەكتىلەر) سالۋعا؛
- ۇلتتىق پاركتىڭ ەكولوگيالىق جۇيەلەرىنە زياندى اسەر ەتۋى مۇمكىن باسقا دا قىزمەتكە تىيىم سالىنادى.