رەبرەندينگ جايىندا ول ءوز پاراقشاسىندا حابارلادى.
Twitter الەۋمەتتىك جەلىسىنىڭ يەسى يلون ماسك برەندتىڭ لوگوتيپىن وزگەرتەتىنىن ايتتى، دەپ حابارلايدى Almaty-akshamy.kz
«جاقىندا Twitter برەندىمەن جانە بىرتە-بىرتە بۇكىل قۇستارمەن قوشتاسامىز»، - دەپ جازدى ول.
جەلى يەسى ءوز پاراقشاسىندا جاڭا لوگوتيپتىڭ كەيبىر نۇسقالارىن ۇسىندى.
يلون ماسكتىڭ ايتۋىنشا، قۇس X-پەن الماستىرىلادى. ويتكەنى بۇل ادامداردىڭ ءمىنسىز ەمەستىگىن، كەمشىلىكسىز جان بولمايتىنىن بىلدىرەدى.
«بۇل ءبىزدى وسىنداي بىرەگەي ەتىپ تۇرعان بۇكىل كەمشىلىكتەردى كورسەتەدى»، - دەيدى ول.
ول ءوز نۇسقاسىن ۇسىنىپ قانا قويماي، قولدانۋشىلاردى جاڭا لوگوتيپكە ۇمىتكەر ۇسىنىپ، ىشىنەن ۇزدىگىن تاڭداۋعا اتسالىسۋعا شاقىردى.
«ەگەر بۇگىن كەشكە بارىنە ۇنايتىن وڭتايلى لوگوتيپ تابىلسا، كۇنى ەرتەڭ بۇكىل الەم بويىنشا رەبرەندينگ جاسالادى» دەپ جازدى يلون ماسك.