مەملەكەت باسشىسى قاسىم-جومارت توقايەۆتىڭ جارلىعىمەن داستان رىسپەكوۆ ۇلىتاۋ وبلىسىنىڭ اكىمى بولىپ تاعايىندالدى، دەپ حابارلايدى اقوردانىڭ باسپا ءسوز قىزمەتى.
"مەملەكەت باسشىسىنىڭ جارلىعىمەن داستان اداي ۇلى رىسپەكوۆ ۇلىتاۋ وبلىسىنىڭ اكىمى لاۋازىمىنا تاعايىندالدى"، — دەلىنگەن رەسمي قۇجاتتا.
كەرەك دەرەك
- داستان رىسپەكوۆ 1984 جىلى قاراعاندى وبلىسىندا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن جانە قازمزۋ الماتى زاڭ اكادەمياسىن ءتامامداعان.
- ەڭبەك جولىن 2006 جىلى الماتى قالاسىنداعى ەكونوميكا جانە بيۋدجەتتى جوسپارلاۋ دەپارتامەنتىنىڭ تۇسىمدەردى بولجاۋ بولىمىندە باس مامان رەتىندە باستاعان.
- 2007-2016 جىلدارى الماتى قالاسىنىڭ ەكونوميكا جانە بيۋدجەتتىك جوسپارلاۋ دەپارتامەنتىندە، الماتى قالاسى بويىنشا تەكسەرۋ كوميسسياسىندا، رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىندە باسشىلىق لاۋازىمداردا قىزمەت اتقاردى.
- 2016-2018 جىلدارى "استانا ەكسپو-2017" ۇك" بۋحگالتەرلىك ەسەپ جانە ەسەپتىلىك دەپارتامەنتىنىڭ ديرەكتورى – باس بۋحگالتەرى بولدى.
- 2018-2019 جىلدارى پاۆلودار وبلىسى كاسىپكەرلىك، ساۋدا جانە تۋريزم باسقارماسىنىڭ باسشىسى قىزمەتىن اتقاردى.
- 2019 جىلدىڭ ءساۋىر ايىنان باستاپ "استانا ەكسپو-2017" ۇك" اق ەكونوميكا جانە بيۋدجەتتى جوسپارلاۋ دەپارتامەنتىنىڭ ديرەكتورى بولىپ قىزمەت ەتتى.
- 2020 جىلدان باستاپ مادەنيەت جانە سپورت مينيسترلىگى تۋريزم يندۋسترياسى كوميتەتىنىڭ ءتوراعاسى قىزمەتىن اتقاردى.