ۇلى دالا اۋەندەرى پاريجدە شىرقالدى

"دۋداراي"، "قۇسني قورلان" جانە باسقا دا ۇلى دالانىڭ ايگىلى اۋەندەرى پاريج ساحناسىندا شىرقالدى.

ولاردى ءبىر ساحنادا اۆستريا، يتاليا، فرانسيا، گەرمانيا، تۇركيا ەلدەرىندە تۇرىپ جاتقان تەگى قازاق مۋزىكانتتار مەن انشىلەر ورىندادى. ءىس-شارا تاريحي وتانىنان جىراقتا جۇرگەن جۇزدەگەن قازاقتىڭ باسىن قوسقان شاعىن قۇرىلتاي اياسىندا ءوتتى، دەپ حابارلايدى Almaty-akshamy.kz Qazaqtv.com-عا سىلتەمە جاساپ. 

شارا «وتانداستار» قورى مەن قازاقستاننىڭ فرانسياداعى ەلشىلىگىنىڭ قولداۋىمەن ۇيىمداستىرىلدى.

"ەڭ باستىسى، تۋعان جەرىڭمەن ءارقاشان بايلانىستا بولۋىڭ كەرەك. ەڭ باستىسى، ءبارىمىز دە قازاقستاندا تۋعانبىز. شەتەلدە قازاق مادەنيەتىن تانىتاتىن قۇرىلتايدا، كونسەرتتە ونەر كورسەتۋگە مۇمكىندىك بولىپ جاتسا، مەن ءارقاشان قولداۋ ءبىلدىرىپ، قاتىسۋعا دايىنمىن"، - ءانشى قۇدايبەرگەن ءابىلدين (گەرمانيا).

"ءبىزدىڭ اۋەندەردى ەۋروپا ەلىنە تانىتۋ كەرەمەت يدەيا دەپ ويلايمىن. سەبەبى، قازاق مۋزىكاسى وڭاي وڭدەلەدى. ءبىز مۋزىكالاردى، تەك قازاقستاندىقتار عانا ەمەس، ەۋروپالىقتار تىڭداي الاتىنداي ارانجيروۆكا جاسادىق"، - دەدى مۋزىكانت ايدانا ماديار (اۆستريا).