ەلىمىزدە وقۋشىلاردىڭ مىندەتتى مەكتەپ فورماسىنا قويىلاتىن تالاپتارعا وزگەرىستەر ەنگىزىلىپ، بۇيرىق جوباسى دايىندالدى.
بۇل تۋرالى ق ر ءبىلىم جانە عىلىم مينيسترلىگى مەكتەپكە دەيىنگى جانە ورتا ءبىلىم كوميتەتىنىڭ ءتوراعاسى گۇلميرا كارىموۆا ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«جاڭا وقۋ جىلىنا دايىندىق جازدىگۇنى باستالادى. بالانى مەكتەپتە دايىنداۋدا اتا-انانى ويلاندىراتىن جايتتىڭ ءبىرى — مەكتەپ فورماسى. كوپتەگەن اتا-انا مەكتەپ فورماسىن ساپالى ءارى قولجەتىمدى باعامەن ساتىپ العىسى كەلەدى. بۇگىنگى تاڭدا مىندەتتى مەكتەپ فورماسىنا قويىلاتىن تالاپتارعا وزگەرىستەر ەنگىزىلىپ، بۇيرىق جوباسى دايىندالدى. اتا-انا ءوزى قالاعان مەكتەپ فورماسىن ەركىن تاڭداي الادى. بارلىق وڭىردەگى ءبىلىم باسقارمالارى مەن بولىمدەرى اتا-انالارعا مەكتەپ فورماسىن تاڭداۋدا ءبىرىڭعاي ءتۇستى ۇسىنادى»، - دەدى گۇلميرا كارىموۆا ق ر ءبىلىم جانە عىلىم مينيسترلىگىنىڭ اپپاراتتىق جينالىسىندا.
ونىڭ ايتۋىنشا، مەكتەپ فورماسىنىڭ بالا تاربيەسىنە اسەرى بار.
«مەكتەپ فورماسىنا ەمبلەما باسقا دا مەكتەپ بەلگىلەرىن جاپسىرۋعا بولادى. ساپالى ءارى قولجەتىمدى مەكتەپ فورماسىمەن قامتاماسىز ەتۋدەگى جاڭا ءتاسىل وقۋشىلار اراسىنداعى الەۋمەتتىك، مۇلىكتىك جانە وزگە دە ايىرماشىلىقتاردى جويادى دەپ ەسەپتەيمىز»، - دەيدى ول.
بۇعان دەيىن كوميتەت باسشىسى وقۋشىلاردى تەاتر ونەرىنە تارتۋعا ارنالعان پيلوتتىق جوبا تۋرالى ايتقان ەدى.