5 قىركۇيەك – قازاقستان حالقىنىڭ تىلدەرى كۇنى. ق ر ءىىم ۇلتتىق ۇلانىنىڭ الماتىداعى 5571 اسكەري ءبولىمى ساپىندا قىزمەت ەتىپ جۇرگەن قاتارداعى سارباز ۆلاديمير كوپىلوۆ بەس ءتىل بىلەدى.
ۇلتى – ورىس بولسا دا، قازاق ءتىلىن جەتىك ءبىلىپ قانا قويماي، وزبەك، قىرعىز، ۇيعىر جانە تاتار تىلدەرىندە ەركىن سويلەيدى. ۇلتتىق ۇلان قاتارىنا شىمكەنت قالاسىنان شاقىرىلعان ءۆلاديميردىڭ ءتىل بىلۋگە دەگەن قىزىعۋشىلىعى بالا كەزىنەن قالىپتاسقان. ول تۇركى الەمىنىڭ تىلدەرىن مەڭگەرۋدى ماقسات تۇتقان. ايتا كەتسەك، ۆلاديمير تۇركى تىلدەرىنىڭ ىشىندەگى سيرەك قولدانىلاتىن قاراشاي، قاراقالپاق جانە نوعاي تىلدەرىندە دە سويلەي الادى.
ءتىل ءبىلۋدىڭ پايداسىن ۇلاندىق سارباز كۇندەلىكتى قىزمەت بارىسىندا سەزىنەدى. ول ءۇشىن پاترۋلدىك قىزمەتتە الماتى شاھارى تۇرعىندارىنىڭ قاۋىپسىزدىگىن قامتاماسىز ەتۋ دە، ءتۇرلى ۇلت وكىلدەرىمەن ءتىل تابىسۋ دا ەش كەدەرگى كەلتىرمەيدى. قازاققا – قازاقشا، وزبەككە – وزبەكشە، ۇيعىرعا – ۇيعىرشا جاۋاپ بەرىپ تۇرعان ءۆلاديميردى كورگەندە، قارۋلاستارى دا تاڭداي قاعادى.
تەك ءتىل بىلىمىمەن عانا ەمەس، ونەرىمەن دە ەرەكشەلەنەتىن ۆلاديمير روتاداعى ەڭ بەلسەندى، اسكەري قىزمەتتىڭ ۇزدىك ساربازدارىنىڭ ءبىرى. قارۋلاستارى شاشىن قيدىرعىسى كەلسە، ۆلاديميرگە بارادى، سەبەبى ول ناعىز شەبەر شاشتاراز. ودان بولەك، اسكەري ءبولىمنىڭ موبيلوگرافى. كۇندەلىكتى قىزمەتتى، جاۋىنگەرلىك ءومىردىڭ قىزىقتى ساتتەرىن بەينەگە ءتۇسىرىپ، اسكەري ءبولىمنىڭ الەۋمەتتىك جەلىدەگى ءيميدجىن قالىپتاستىرىپ ءجۇر.