اعىمداعى جىلدىڭ شىلدە ايىندا استانا، شىمكەنت قالالارىندا، اتىراۋ، جامبىل وبلىستارىندا ۇقك پروكۋراتۋرانىڭ ۇيلەستىرۋىمەن جانە پوليسيا كومەگىمەن ءدىني راديكالداردىڭ ارەكەتتەرىنىڭ جولىن كەسۋ بويىنشا ءىس-شارا وتكىزدى.
جەدەل قىزمەتكەرلەر تەرروريستىك ارەكەتتەرگە قاتىسۋعا، تەرروريزمدى ناسيحاتتاۋعا، ەكسترەميستىك ارەكەتتەردى ۇيىمداستىرۋعا جانە وسى ماقساتتا ادامداردى تارتۋعا كۇدىكتى رەتىندە قازاقستاننىڭ 4 ازاماتىن مەن 1 شەتەلدىكتى ۇستادى جانە قاماۋعا الدى.
ولاردىڭ تۇرعىلىقتى جەرلەرىنەن كوپتەگەن دىني-ەكسترەميستىك ادەبيەتتەر مەن وزگە دە زاتتاي دالەلدەمەلەر الىندى.
ايتا كەتۋ كەرەك، كۇدىكتىلەردىڭ ءبىرى بۇعان دەيىن شەت مەملەكەتتىڭ اۋماعىندا سوعىس ارەكەتتەرىنە قاتىسىپ، ول ءۇشىن قازاقستاندا سوتتالعان بولاتىن.
"تاعى ەكەۋىنە قاتىستى "اۋىر" ەسىرتكىنى ۇنەمى قولدانعانى تۋرالى اقپارات تەكسەرىلۋدە. قىلمىستىق كودەكستىڭ 256، 257، 259 جانە 405-باپتارى بويىنشا سوتقا دەيىنگى تەرگەپ-تەكسەرۋ جۇرگىزىلۋدە."ۇقك باسپا ءسوز قىزمەتى
قىلمىستىق-پروسەستىك كودەكستىڭ 201-بابىنىڭ 1-بولىگىنە سايكەس وزگە دە اقپارات جاريا ەتىلۋگە جاتپايدى.