جارىستىڭ ەكىنشى كۇنى الماتى وبلىسىنىڭ سپورتشىسى دوڭگەلەك ستەند جاتتىعۋىندا ۇزدىك اتاندى
22 مامىر كۇنى الماتى وبلىسى ىلە اۋدانى بايسەركە اۋىلىنداعى اسانوۆ اتىنداعى اتۋ كلۋبىندا ستەند اتۋدان الەم كۋبوگى باستالدى، دەپ حابارلايدى Almaty-akshamy.kz Azattyq Ruhy-نا سىلتەمە جاساپ.
سايىستا 38 مەرگەن ب ا ق سىنادى.
فينالعا ۇزدىك 6 سپورتشى شىعىپ، اسەم ورىنباي بىرنەشە اينالىمدا ۇپاي سانى بويىنشا ءبىرىنشى ساتىدا تۇردى. اقتىق سىندا ءۇندىستان وكىلى گ.سيحونمەن جەكپە-جەكتە العاشقى مۇمكىندىكتەن-اق جەڭىمپاز اتاندى.
بۇل جەڭىستە اسەم ورىنباي پاريج-2024 وليمپياداسىنىڭ جولداماسىنا قول جەتكىزدى. ەرەجە بويىنشا ليسەنزيالىق الەم كۋبوگىندە العان ۇپايلار جيناقتالىپ، ەڭ كوپ ۇپايعا قول جەتكىزگەن سپورتشىلار وليمپياداعا ىرىكتەلەدى.
بەدەلدى باسەكەگە 42 ەلدەن 300 سپورتشى قاتىسىپ جاتىر. جارىس 28 مامىرعا دەيىن جالعاسادى.