ۇلتتىق بانك بىرلەسكەن باعدارلامالارمەن ءبىلىم گرانتتارى بويىنشا وقۋعا ءوتىنىم بەرۋگە بولاتىنىن مالىمدەدى، دەپ حابارلايدى Almaty-akshamy.kz BAQ.KZ-كە سىلتەمە جاساپ.
- «نازاربايەۆ ۋنيۆەرسيتەتى» دببۇ جوعارى بيزنەس مەكتەبىندە «قارجى بويىنشا عىلىم ماگيسترى» – 15 گرانت؛
- «نارحوز ۋنيۆەرسيتەتى» كەاق «قارجى تالداۋشىسى»، «قارجىلىق تاۋەكەل-مەنەدجمەنت»، «ماكروتالداۋ جانە بولجاۋ» – 20 گرانت؛
- «قازاقستان-بريتان تەحنيكالىق ۋنيۆەرسيتەتى» اق «قارجىلىق تاۋەكەل-مەنەدجمەنت جانە دەرەكتەر تۋرالى عىلىم»، «ماكروقارجى جانە دەرەكتەر تۋرالى عىلىم» جانە «قارجىلىق تەحنولوگيالار» – 15 گرانت.
باعدارلامالاردىڭ ماقساتى – ۇلتتىق بانك پەن ونىڭ ەنشىلەس ۇيىمدارى ءۇشىن، سونداي-اق قارجى نارىعىن رەتتەۋ جانە دامىتۋ اگەنتتىگى ءۇشىن بىلىكتى كادرلار دايارلاۋ.
باعدارلامالار اياسىندا قارجى، ەكونوميكا، قارجىلىق تەحنولوگيالار، بۋحگالتەرلىك ەسەپ، تاۋەكەل-مەنەدجمەنت، ستاتيستيكا، ەكونومەتريكا، ماتەماتيكا، ماشينالىق وقىتۋ جانە باعدارلامالاۋ بويىنشا ماماندار دايارلانادى.
وسى باعدارلامالار بويىنشا وقۋ كەزەڭىنىڭ باستالۋى 2023 جىلعى تامىز-قازانعا جوسپارلانعان. وقۋعا ءتۇسۋ ءۇشىن كانديداتتار ۋنيۆەرسيتەتتەردىڭ تالابى مەن ولشەمشارتىنا سايكەس، كونكۋرستىق ىرىكتەۋدەن وتەدى. «نازاربايەۆ ۋنيۆەرسيتەتى» دببۇ باعدارلاماسى بويىنشا وقۋ كەزەڭىنىڭ ۇزاقتىعى – 16 اي، «نارحوز ۋنيۆەرسيتەتى» كەاق جانە «قازاقستان-بريتان تەحنيكالىق ۋنيۆەرسيتەتى» اق باعدارلامالارى بويىنشا – 2 اكادەميالىق جىل، - دەلىنگەن بانك تاراتقان حابارلامادا.
وقۋ اياقتالعاننان كەيىن ۇلتتىق بانككە جانە ونىڭ ەنشىلەس ۇيىمدارىنا، سونداي-اق قارجى نارىعىن رەتتەۋ جانە دامىتۋ اگەنتتىگىنە جۇمىسقا ورنالاسۋ كوزدەلگەن.
باعدارلامالاردىڭ مازمۇنىمەن جانە وقۋعا قابىلداۋعا قويىلاتىن تالاپتارمەن كەلەسىدەي سايتتاردا تانىسۋعا بولادى:
- «نازاربايەۆ ۋنيۆەرسيتەتى» دببۇ جوعارى بيزنەس مەكتەبى:
- «نارحوز ۋنيۆەرسيتەتى» كەاق:
- «قازاقستان-بريتان تەحنيكالىق ۋنيۆەرسيتەتى» اق: