كۇشتىك ورگانداردىڭ 39 قىزمەتكەرى قىلمىستىق جاۋاپتىلىققا تارتىلادى
بۇل تۋرالى باس پروكۋراتۋرا مالىمدەدى، دەپ حابارلايدى Almaty-akshamy.kz.
ۆەدومستۆو پوليسيا عيماراتتارى مەن قاجك مەكەمەلەرىندە تەكسەرۋ جۇرگىزۋ كەزىندە بەينەكامەرالارمەن قامتىلماعان 5812 ۋچاسكە مەن ءۇي-جايلار جانە 900 جۇمىس ىستەمەي تۇرعان كامەرا انىقتاعان.
«اۋماقتىق پوليسيا دەپارتامەنتتەرىنىڭ، قاجك جانە ءىىم ورتالىق اپپاراتىنىڭ 19 باسشىسى تارتىپتىك جاۋاپكەرشىلىككە تارتىلدى. وسى جانە باسقا دا پوليسيا قىزمەتكەرلەرى اراسىندا ازاپتاۋدىڭ الدىن الۋدىڭ ماسەلەلەرى باس پروكۋروردىڭ ورىنباسارى بولات دەمبايەۆتىڭ قاتىسۋىمەن ىشكى ىستەر مينيسترلىگىندە وتكەن ۆەدومستۆوارالىق كەڭەستە تالقىلاندى. ول قازىرگى ۋاقىتتا 88 ازاماتقا قاتىستى تەرگەۋدىڭ رۇقسات ەتىلمەگەن ادىستەرىن قولدانعانى ءۇشىن كۇشتىك ورگاندارىنىڭ 39 قىزمەتكەرى قىلمىستىق جاۋاپتىلىققا تارتىلاتىنىن اتاپ ءوتتى»، – دەلىنگەن باس پروكۋراتۋرا حابارلاماسىندا.