سەنات ءتوراعاسى ماۋلەن اشىمبايەۆ تاۋەلسىزدىك كۇنىنە بايلانىستى الەۋمەتتىك جەلىلەردەگى پاراعىندا قۇتتىقتاۋ جازدى، دەپ حابارلايدى Almaty-akshamy.kz Inform.kz-كە سىلتەمە جاساپ.
«قۇرمەتتى دوستار!
بارشاڭىزدى تاۋەلسىزدىك كۇنىمەن شىن جۇرەكتەن قۇتتىقتايمىن!
بۇل كۇن – ەلىمىزدىڭ ەڭ ۇلىق مەرەكەلەرىنىڭ ءبىرى جانە ازاتتىعىمىز بەن ەركىندىگىمىزدىڭ سيمۆولى.
شىن مانىندە، مەملەكەتىمىزدىڭ بۇگىنگە دەيىن جەتكەن جەتىستىكتەرىنىڭ ءبارى - وسى تاۋەلسىزدىكتىڭ جەمىسى. تاۋەلسىزدىكتىڭ ارقاسىندا ءبىز دەموكراتيالى، قۇقىقتىق جانە ەكونوميكالىق مەملەكەت قۇرۋ جولىندا ناقتى قادامدار جاساپ كەلەمىز.
مەملەكەت باسشىسى قاسىم-جومارت كەمەل ۇلى توقايەۆ ۇلتتىق قۇرىلتايدىڭ العاشقى وتىرىسىندا بۇل مەرەكە تاۋەلسىزدىك الۋعا زور ۇلەس قوسقان ۇلتتىق باتىرلارىمىزعا تاعزىم كۇنى رەتىندە اتاپ ءوتىلۋى كەرەكتىگىن ايتقان ەدى. وتكەنگە سالاۋات ايتۋ - ءبىزدىڭ قانىمىزعا سىڭگەن قاسيەت. سول سەبەپتى وسى كۇندەردە ءبىز ەلدىك پەن ەگەمەندىك جولىندا قۇربان بولعانداردىڭ رۋحىنا تاعزىم ەتىپ، ۇلت مۇراتى ءۇشىن ەسەلى ەڭبەك ەتكەن جانداردىڭ ونەگەلى ءومىرىن دارىپتەۋگە باسا ءمان بەرەمىز»، - دەپ جازدى سەنات ءتورراعاسى.
سونداي-اق، ول الداعى ۋاقىتتا تاۋەلسىزدىك كۇنىنىڭ ءمانى بۇدان دا تەرەڭدەي تۇسەتىنىن، حالقىمىز ءۇشىن بۇل مەيرامنىڭ قاشاندا ورنى بولەك، ماڭىزى زور بولىپ قالا بەرەتىنىن اتاپ ءوتتى.
«بارشاڭىزدى قاستەرلى مەرەكەمەن قۇتتىقتاي وتىرىپ، ءار شاڭىراققا شاتتىق، ەلىمىزگە اماندىق، جەرىمىزگە تىنىشتىق تىلەيمىن!
تاۋەلسىزدىگىمىز نىعايىپ، ەلدىگىمىز اسقاقتاي بەرسىن! مەرەكە قۇتتى بولسىن!» - دەپ تۇيىندەدى ءسوزىن ماۋلەن اشىمبايەۆ.