الماتى اكىمى ەربولات دوسايەۆ تاۋەلسىزدىكتىڭ 31 جىلدىعىنا وراي تاۋەلسىزدىك مونۋمەنتىنە سالتاناتتى تۇردە گۇل شوقتارىن قويۋعا قاتىستى. سالتاناتتى راسىمگە قالا تۇرعىندارى، ارداگەرلەر، قوعامدىق ۇيىمداردىڭ، ەتنومادەني بىرلەستىكتەردىڭ وكىلدەرى، 1986 جىلعى جەلتوقسان وقيعالاسىنا قاتىسۋشىلار جانە تاعى باسقالار قاتىستى.
ءىس-شاراعا قاتىسۋشىلار مەملەكەتتىڭ تاۋەلسىزدىگى جولىندا ءوز ومىرلەرىن قيعانداردى ءبىر مينۋت ۇنسىزدىكپەن ەسكە الدى.
سالتاناتتى ءراسىم الماتى وڭىرلىك گارنيزونى اسكەري-ۇرمەلى وركەسترى جانە ساربازدارىنىڭ قازاقستان رەسپۋبليكاسى گيمنىن ورىنداۋىمەن اياقتالدى.
