قازاقستان رەسپۋبليكاسى ۇلتتىق اكادەميالىق كىتاپحاناسىنىڭ بالالار ادەبيەتى زالىندا «ۇلان» رەسپۋبليكالىق بالالار مەن جاسوسپىرىمدەر گازەتىنىڭ قۇرىلعانىنا 95 جىل تولۋىنا وراي كورمە ۇيىمداستىرىلدى، دەپ حابارلايدى aqshamnews.kz.
كورمەنىڭ ماقساتى – گازەتتىڭ تاريحي مۇراسىن ناسيحاتتاۋ، 95 جىلدىق جولىن كورسەتىپ، ونىڭ قازاق بالالار جۋرناليستيكاسىنداعى ءرولىن ايقىنداۋ. جاس وقىرماندى اقپاراتپەن تانىستىرۋ، گازەتتىڭ بۇرىنعى جانە قازىرگى نومىرلەرىن ۇسىنۋ ارقىلى بالالار مەن جاسوسپىرىمدەردىڭ وقۋعا دەگەن قىزىعۋشىلىعىن ارتتىرۋ.
«ۇلان» گازەتى 1929 جىلى العاش رەت جارىق كورگەننەن بەرى، ءوز وقىرماندارىنىڭ سەنىمدى دوسىنا اينالدى.
گازەت ءبىر عاسىرعا جۋىق ۋاقىت بويى بالالارعا اقپارات بەرىپ قانا قويماي، جاس ۇرپاقتى بىلىمگە قۇشتار ەتۋگە، ولاردىڭ ساناسىنا ۇلتتىق قۇندىلىقتاردى سىڭىرۋگە ۇلەس قوسىپ كەلەدى.