№92 ليسەيدە «ءبىر كىتاپتىڭ ىزىمەن» اتتى جوبا قولعا الىندى.
بۇل جوبانىڭ ماقساتى وقۋشىلارعا كىتاپ وقىتۋ ارقىلى رۋحاني جان دۇنيەسىن وياتىپ، بىلىمدەرىن مولايتىپ، رۋحاني قازىنا- كىتاپ الەمىنە شولۋ جانە ولاردى ارمان بيىگىنە سامعاتىپ، اقىل-وي سۇلۋلىق الەمىنە بويلاتۋ بولىپ وتىر.
ءار سىنىپقا اي سايىن قازاق ادەبيەتىنىڭ باي مۇراسىنان ەرەكشە ورىن الاتىن جازۋشىلاردىڭ شىعارمالارىنان ءبىر كىتاپ تاڭدالىپ، وقۋشىلار سول كىتاپتى وقىپ، ونىڭ مازمۇنىن ءتۇسىنىپ، شىعارماشىلىق تاپسىرمالار ورىندايدى. ماسەلەن، وسى ايدا 5- سىنىپ وقۋشىلارى بەردىبەك سوقپاقبايەۆتىڭ «ون التى جاسار چەمپيون» پوۆەسىن، 6-سىنىپ وقۋشىلارى سايىن مۇراتبەكوۆتىڭ «كامەنتوعاي» اڭگىمەسىن، 7-سىنىپ وقۋشىلارى سايات قامشىگەردىڭ «تاستاماشى، انا!» اڭگىمەسىن، 8-سىنىپ وقۋشىلارى باۋىرجان مومىش ۇلىنىڭ «ۇشقان ۇيا» رومانىن، 9-سىنىپ وقۋشىلارى بەيىمبەت ءمايليننىڭ «شۇعانىڭ بەلگىسى» پوۆەسىن، 10-سىنىپ وقۋشىلارى جۇسىپبەك ايماۋىتوۆتىڭ «اقبىلەك» رومانىن، 11-سىنىپ وقۋشىلارى مۇحتار اۋەزوۆتىڭ «اباي جولى» رومان- ەپوپەياسىن وقىپ شىقتى. سونىمەن قاتار، ايدىڭ سوڭىندا وقۋشىلار قورىتىندى تاپسىرمالاردى ورىندادى. سونىڭ ءبىرى دالەلى- «اقبىلەك» رومانىنىڭ جەلىسى اياسىندا 10-سىنىپتار اراسىندا «ۇزدىك ساحنالىق قويىلىم» ۇيىمداستىرىلدى.
جۇسىپبەك ايماۋىتوۆ بۇل تۋىندىسىندا سول كەزدەگى الەۋمەتتىك تەڭسىزدىكتى، قازاق ايەلىنىڭ اۋىر تاعدىرىن جانە ادام رۋحىنىڭ مىقتىلىعىن كورسەتتى. اقبىلەك – قيىندىققا تاپ بولسا دا، مويىماعان، ادىلەتتىلىك ءۇشىن كۇرەسكەن قايسار قىز. رومان تاعدىردىڭ تالكەگىنە قاراماستان، رۋحاني تازارۋ مەن العا ۇمتىلۋدىڭ ماڭىزدىلىعىن ۇيرەتەدى. بۇل شىعارما تەك وتكەن ءداۋىردىڭ بەينەسى ەمەس، قازىرگى زامان ءۇشىن دە وزەكتى. بۇل قويىلىمنان اركىم وزىنە ساباق العانى انىق. اتالمىش شاراعا 10 «ا»، «ءا»، «ب»، «ۆ»، «گ» سىنىپ قاتىستى. قويىلىم ليسەي ديرەكتورى كۋلجان ساۋىت قىزىنىڭ قۇتىقتاۋىمەن باستالدى. وقۋشىلار بۇل قويىلىمدى ساحنالاۋ بارىسىندا ءوز قىزىعۋشىلىقتارىن تانىتىپ، روماندى تولىقتاي وقىعاندارىن دالەلدەدى. ءار سىنىپ ءوز قالاۋلارى بويىنشا وقىعان شىعارمانىڭ ۇزىندىلەرىن شەبەرلىكپەن سومداپ شىقتى. ساحنانىڭ بەزەندىرىلۋى جانە ساحنا مادەنيەتى تالاپقا ساي بولعانىن باسا ايتقان ءجون. ءادىلقازىلار القاسى وقۋشىلاردى باعالاۋ وڭايعا تۇسپەگەنىن ايتىپ، ءاربىر سىنىپتىڭ ەرەكشەلىكتەرىنە توقتالدى. ۇزدىك ونەر كورسەتكەن وقۋشىلار ءتۇرلى نوميناسيالارمەن ماراپاتتادى.