بوستاندىق اۋدانىنداعى №68 بوبەكجاي-بالاباقشا شاڭىراعىندا «مۋزىكالىق اسپاپتار جانە ولارمەن جاقىن تانىسۋ» اتتى قالالىق سەمينار ءوتتى. «بۇل ءان بۇرىنعىدان وزگەشەرەك...» دەپ شاكارىم بابامىز ايتقانداي، شىندىعىندا بۇل تاعىلىمى زور كەش بولدى. كونەدەن جەتكەن اسپاپتاردىڭ كۇمبىرى باقشا ءىشىن كەرنەپ، بۇلدىرشىندەر مۋزىكا قۇدىرەتىنە ءتانتى بولدى.
-«ءبىرتۇتاس تاربيە» باعدارلاماسىن نەگىزگە الا وتىرىپ، وسى تاقىرىپقا توقتالدىق. كىشكەنتاي بۇلدىرشىندەر دومبىرانى جاقسى بىلەدى. ويتكەنى، ۇلتىمىزدىڭ قۇندى دا، كيەلى اسپابى كەز-كەلگەن وتباسىنىڭ تورىنەن تابىلادى. ال، سازسىرناي مەن قىلقوبىزدى كورە بەرمەۋى مۇمكىن. سوندىقتان، بالاقايلار ءوز ۇلتىنىڭ باي مۇراسىمەن سۋسىنداپ ءوسسىن دەپ، وسى تاقىتى تاڭدادىق. جالپى، بالانىڭ جان-جاقتى دامىپ، تولىق قالىپتاسۋى ءۇشىن مۋزىكانىڭ الار ورنى ەرەكشە. مۋزىكا- ادام جانىنىڭ ەمشىسى. ول ادامعا موتيۆاسيا بەرىپ، ومىرگە دەگەن قۇشتارلىعىن وياتادى. ادەمى اسەر، ءنارلى وي تۋعىزادى. حالقىمىزدىڭ مۋزىكالىق اسپاپتا ورىندالاتىن اندەرى بالالارعا بەرىلەتىن تاربيەنىڭ قاينار كوزى ىسپەتتى. كەزىندە ۇلى اباي اتامىز «ويىن ويناپ، ءان سالماي وسەر بالا بولا ما؟» دەپ تەگىن ايتپاعان عوي. ءيا، بالا ويىن ارقىلى ءوسىپ، ويىن ارقىلى داميدى. ال، مۋزىكا ارقىلى ولاردىڭ ەستەتيكالىق تالعامى داميدى،-دەيدى بالاباقشا مەڭگەرۋشىسى باعدات التىنبەك قىزى.
بوبەكجاي-بالاباقشانىڭ مۋزىكا جەتەكشىسى عالىمجان ءشارىپوۆ مۋزىكالىق جوعارى ءبىلىمى بار، بىرنەشە اسپاپتا شەبەر وينايتىن جان-جاقتى مامان. سەمينار بارىسىندا ءاربىر اسپاپتىڭ شىعۋ تاريحىن ايتىپ، تانىستىرىپ وتىردى. بالالار ەكران اقىلى كورسەتىلگەن اسپاپتى داۋسىنان تانىپ، مۋزىكاعا دەگەن قابىلەتتىلىكتەرىن تانىتتى. بالالار مۋزىكا اسپابىنىڭورىندالۋىنا عانا ەمەس ونىڭ دىبىستالۋىنا دا ءمان بەرىپ وتىردى. بۇل كۇنى ونەرپاز اتا-انالار دومبىرا، بايان، شەرتەر، سازسىرنايمەن قاتار، ەڭ كونە ۇرمەلى اسپاپ ءتۇرى ساكسافوندا وينادى. قاتىسۋشىلاردىڭ دا جاندارى جادىراپ، رۋحاني دەمالىپ قايتتى.
«مۋزىكا-جاندى جادىراتادى. ونەردى ءتۇسىنىپ وسكەن بالانىڭ ورەسى بيىك، ادامي قاسيەتكە باي بولادى. بالكىم، وسى بالالارىمىزدىڭ اراسىنان بولاشاق ونەر ادامىنىڭ شىقپاسىنا كىم كەپىل،- دەيدى ريزاشىلىق بىلدىرگەن اتا-انالار دا. ەندى ءبىر ساتتە قوناقتار پەداگوگ-پسيحولوگ ا.قۇراسبايەۆانىڭ سەرگىتۋ ساتىنە قاتىستى.
