سىم-دە «شۇعىل بايلانىس جەلىسى» اشىلدى
ق ر سىرتقى ىستەر مينيسترلىگى ءوزىن ۋكراينادان ەۆاكۋاسيالاۋدى سۇراپ، 528 قازاقستاندىق ءوتىنىش تۇسىرگەن، دەپ حابارلايدى Almaty-akshamy.kz.
ۋكرايناداعى ق ر ازاماتتارىنىڭ وتىنىشتەرى بويىنشا قازاقستاننىڭ كييەۆتەگى ەلشىلىگىندە، سونداي-اق ق ر سىم-دە "شۇعىل بايلانىس جەلىسى " اشىلدى. سونداي-اق، دنەپر، لۆوۆ، ودەسسا جانە حاركوۆ قالالارىنداعى ق ر قۇرمەتتى كونسۋلدارى دا بۇل ماسەلەگە اتسالىسىپ جاتىر. بۇل كەشەندى جۇمىسقا پولشاداعى، مولدوۆاداعى جانە بەلارۋستەگى قازاقستاندىق مەكەمەلەر دە جۇمىلدىرىلىپ جاتىر.
ەل باسشىلىعى ءبىزدىڭ ازاماتتار ءۇشىن رەپاترياسيالىق رەيستەردى وتەۋسىز نەگىزدە ۇيىمداستىرۋ تۋرالى شەشىم قابىلدادى.
«بۇگىنگى كۇندەرى ءوزىن ەۆاكۋاسيالاۋدى سۇراعان 528 ءوتىنىش كەلىپ ءتۇستى. ق ر ازاماتتارى، نەگىزىنەن كييەۆ قالاسىندا جانە كييەۆ وبلىسىندا – 264 ادام، ودەسسا وبلىسىندا – 30، حاركوۆ وبلىسىندا – 18، لۆوۆ وبلىسىندا – 17، دنەپروپەتروۆسك وبلىسىندا – 13، پولتاۆا وبلىسىندا – جەتى، چەركاسسكايا – ءتورت، لۋگانسك وبلىسىندا – ەكى، يۆانو-فرانكوۆسك وبلىسىندا – ەكى، جيتومير وبلىسىندا – ەكى جانە باسقا وڭىرلەردە قالىپ وتىر. قازىرگى ۋاقىتتا كييەۆ جانە لۆوۆ قالالارىنان پولياك شەكاراسىنا قاراي قازاقستاندىق ديپلوماتتارمەن بىرگە ءبىزدىڭ ازاماتتار اۆتوكولىكپەن شىقتى. ول جاقتا دا ديپلوماتتارىمىز كۇتىپ الىپ، قازاقستاندىقتاردى كاتوۆيسە قالاسىنىڭ اۋەجايىنا جەتكىزەدى. رەپاترياسيالىق رەيستەگى وتانداستارىمىز شەكارادان ۆيزاسىز وتەدى ءارى پتر-تەست تاپسىرىپ، ۆاكسينا ءتولقۇجاتىن كورسەتىپ جاتپايدى»،-دەلىنگەن ءسىم تاراتقان حابارلامادا.
العاشقى رەيس بۇگىن تاڭەرتەڭگە جوسپارلانعان. پولشانىڭ كاتوۆيسە قالاسىنان ۇشاتىن ۇشاق الدىمەن اتىراۋعا جەتىپ، ودان ءارى الماتىعا بارادى. بۇدان كەيىن دە رەپاتراسيالىق رەيستەر بولادى.
سىرتقى ىستەر مينيسترىلىگى ۋكرايناداعى قازاقستاندىقتاردىڭ كييەۆتەگى ەلشىلىككە حابارلاسۋىن ەسكەرتەدى.
«مۇمكىندىك بولسا، جەر-جەردەگى ازاماتتارىمىز ءوز كۇشتەرىمەن لۆوۆ نەمەسە كييەۆ قالاسىنا جەتكەنى ءجون. ودان ءارى پولشاعا اتتانۋعا كومەك بەرىلەدى. ال جولعا شىعۋ ءقاۋىپتى بولسا، ەلشىلىكپەن حابارلاسىپ وتىرعاندارى ءجون. بۇل ءۇشىن جەدەل جەلى جۇمىس ىستەپ تۇر»،-دەلىنگەن ءسىم تاراتقان حابارلامادا.