ق ر قارۋلى كۇشتەرى ۇشقىشسىز باسقارىلاتىن قۇرىلعىلار وپەراتورىن دايىندايدى

بەس جىل ىشىندە اۋە قورعانىسى كۇشتەرىنىڭ ۇۇا ماماندارىن دايارلاۋ ورتالىعى 100-دەن استام اسكەري قىزمەتشى دايىندادى

اۋە قورعانىسى كۇشتەرىنىڭ ۇۇا ماماندارىن دايارلاۋ ورتالىعىندا  ۇشقىشسىز ۇشاتىن اپپاراتتاردى باسقارۋ بويىنشا مامانداردى وقىتۋ كۋرسى وتەدى، دەپ حابارلايدى Almaty-akshamy.kz قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.

بولاشاق ۇۇا وپەراتورلارى بۇل قۇرىلعىنىڭ تەوريالىق نەگىزدەرىن جانە ولاردىڭ ماتەريالدىق بولىگىن زەردەلەيدى. سىناقتار تاپسىرعان سوڭ ءبىلىم الۋشىلار ۇشقىشسىز ۇشۋ اپپاراتتارىن العاش رەت وزدەرى باسقارىپ ۇشىراتىن بولادى.

قارۋلى كۇشتەردىڭ قاتىسۋىمەن وتكىزىلەتىن وقۋ-جاتتىعۋلار مەن ءىس-شارالاردى قامتاماسىز ەتۋ بارىسىندا ۇشقىشسىز ۇشۋ اپپاراتتارىمەن جۇمىس جاساۋدا مول تاجىريبەسى بار بىلىكتى ماماندار ساباقتاردى جۇرگىزەدى.

«قازاقستان پرەزيدەنتىنىڭ تاپسىرماسىنا سايكەس قارۋلى كۇشتەردى كەشەندى جانە جۇيەلى دامىتۋ، ەلدىڭ قورعانىس قابىلەتىن ودان ءارى ارتتىرۋ جونىندەگى مىندەتتەردى ىسكە اسىرۋدا. ۇشقىشسىز ۇشاتىن تەحنولوگيالاردى ەنگىزۋ مەن ولاردى قولدانۋعا نازار اۋدارۋدا، ولاردىڭ قولدانىلۋ اياسى مەن سۇرانىسى كەڭەيۋ ۇستىندە. سونىمەن قاتار، ءتيىستى مامانداردى دايارلاۋ قاجەتتىلىگى دە ارتۋدا»، - دەلىنگەن حابارلامادا.

بەس جىل ىشىندە بۇل ورتالىق 100-دەن استام اسكەري قىزمەتشى دايىندادى. العاشقى وقىعان ماماندار بۇگىنگى كۇنى اسكەري بولىمدەرىندە وزدەرىنىڭ بىلىمدەرىن بولىسۋدە. وتكەن جىلى كۋرستىق دايىندىققا العاش رەت زىمىران اسكەرلەرى مەن ارتيللەريا وكىلدەرى تارتىلدى. وندا ۇشقىشسىز ۇشاتىن قۇرىلعىلارىن بارلاۋ ماقساتتارىنا، اتىستى باعىتتاۋعا جانە وق اتۋدى تۇزەتۋگە كەڭىنەن قولدانىلادى.