قوستاناي وبلىسىنداعى ورتتەن ۇيلەرى جانىپ كەتكەن وتباسىلارعا «Halyk Bank» 1 ملن تەڭگەدەن بەرەدى جانە نەسيەلەرىن جابادى. بۇل تۋرالى اتالعان بانكتىڭ رەسمي تelegram ارناسىندا ءمالىم بولدى، دەپ حابارلايدى Almaty-akshamy.kz Inform.kz-كە سىلتەمە جاساپ.
«Halyk Bank» قوستاناي وبلىسىندا ۇيلەرى ورتەنىپ كەتكەن ءار وتباسىنا 1 ملن تەڭگە كولەمىندە قارجىلاي كومەك جىبەرەدى. ۇيىنەن ايرىلعان ادامدار كۇش جيناپ، العان قاراجاتىن ەڭ قاجەتتىسىنە – تۇرعىن ءۇيدى جالداۋعا، كيىم-كەشەك، تاماق جانە قاجەتتى تاۋارلار ساتىپ الۋعا جۇمسايدى.
سونىمەن قاتار، بانك باسشىلىعى جانىپ كەتكەن ۇيلەردىڭ بارلىق يەلەرىنە «Halyk Bank»-تەگى قولدانىستاعى كرەديتتەرىن جابۋ تۋرالى شەشىم قابىلدادى.
بانك باسشىلىعى مەن ۇجىمى وزەرنوە، لەسنوە، امانقاراعاي اۋىلدارىنىڭ بارلىق ءورت سالدارىنان زارداپ شەككەن تۇرعىندارىنا شىنايى جاناشىرلىق تانىتىپ، ولاردىڭ ومىرلەرى جاقىن ارادا ۇيرەنشىكتى ارناعا ورالادى دەگەن ۇمىتتە»، - دەپ جازىلعان بانكتىڭ Telegram ارناسىنداعى حابارلامادا.
قوسا كەتسەك، «AMANAT» پارتياسىنىڭ بارلىق وڭىرلىك فيليالدارىندا قوستاناي وبلىسىنداعى تابيعي اپاتتان زارداپ شەككەندەر ءۇشىن گۋمانيتارلىق كومەك جيناۋ پۋكتىلەرى جۇمىسقا كىرىستى. وندا ءبىرىنشى كەزەكتە قاجەتتى تاۋارلار، ازىق-تۇلىك (ساقتاۋ مەرزىمى ۇزاق)، جىلى كيىم، تازالىق قۇرالدارى قابىلدانادى.
سونداي-اق، بۇگىن ءورتتىڭ سالدارىن جويۋ ماسەلەلەرى بويىنشا جەدەل كەڭەس وتكىزگەن پرەمەر-مينيستر ءاليحان سمايىلوۆ باسپاناسىز قالعاندارعا جاڭا ۇيلەر سالىنىپ بەرىلەتىنىن مالىمدەدى.