زالپى جولداۋدا كوپ ماسەلە قامتىلعان. سونىڭ ىشىندە ۇلتتىق قوردان 18 جاسقا دەيىن بالاعا ارنايى قارجى بولىنەتىندىگى ۇلكەن جاڭالىق بالى قابىلدانىپ وتىر. كەزىندە كەڭەس داۋىرىندە دە اۋقاتتى، جاعدايى جاقسى ادامدار ءوز بالالارى دۇنيەگە كەلگەندە جەكە شوت اشىپ، سونى كەيىن بالا 18 جاسقا تولعان كەزدە الاتىن جاعداي بولعان. ءبىراق بۇل جەكە ادامداردىڭ ءوز بالالارىنا قامقورلىعى بولعان.
ال مىنا جەردە مەملەكەت ۇلتتىق قوردان بالالار ءۇشىن قارجى ءبولىپ، ۇلكەن باستاما جاسالماقشى. مەملەكەتتىڭ وسىنداي قامقورلىعى وسكەلەڭ ۇرپاق بولاشاعىنا نەمقۇرايلى قارامايتىنىن كورسەتسە كەرەك. جولداۋدا وسى ماسەلە دەر كەزىندە كوتەرىلدى، الدا ۇلكەن جۇمىستار اتقارىلاتىنىنا سەنىم مول.