بۇل جاڭالىعى مەن جاقسىلىعى كوپ، حالىق كۇتكەن جولداۋ بولدى. مەملەكەت باسشىسى قاسىم-جومارت توقايەۆ ساناپ تۇرىپ، نەگىزگى توعىز ماسەلەنى شىعاردى. بارلىعى بۇگىنگى كۇننىڭ وزەكتى تاقىرىبى ەكەنىن ايتا كەتكەن ءجون.
ەڭ الدىمەن، زاڭ ماسەلەسىن رەتتەپ، ءبىر جولعا قويۋ ماسەلەسى كوڭىلدەن شىقتى. راسىندا زاڭ جۇيەسىندەگى وڭ وزگەرىستەردىڭ پايداسى مول. ودان كەيىنگى ماسەلە، ايەل ادامداردىڭ زەينەتكە شىعۋ جاسى تۋرالى بولدى. وسى ۋاقىتقا دەيىن بۇل مولشەر بىرتىندەپ ۇلعايىپ وتىرعان. ءقازىر مىنە، ەندى 61 جاس دەپ بەكىتىلدى. بۇل شىنىمەن بۇكىل قازاقستان ايەلدەرىن قۋانتقان جاڭالىق بولدى. ويتكەنى وسى ماسەلە جىل دا كۇن تارتىبىنەن تۇسپەيتىن. جالپى العاندا، وسىنداي كوكەيكەستى الەۋمەتتىك ماسەلەلەر قامتىلعانى جۇرتشىلىق ويىنان شىقتى دەپ ويلايمىن.