رەسەي فەدەراسياسى باشقۇرتستان رەسپۋبليكاسىنىڭ ۋفا قالاسىندا ءورت ءسوندىرۋ-قۇتقارۋ سپورتىنان حالىقارالىق جارىستار باستالدى، دەپ حابارلايدى aqshamnews.kz
جارىستار 17 مامىرعا دەيىن جالعاسادى جانە ءتۇرلى ەلدەردەن ءورت ءسوندىرۋ-قۇتقارۋ سپورتىنىڭ ەڭ كورنەكى تۇرلەرىنىڭ ءبىرى بويىنشا جىلدامدىق، كۇش جانە شەبەرلىكتەرىن كورسەتۋگە كەلگەن ءورت ءسوندىرۋشى-سپورتشىلاردىڭ باسىن قوسادى.
جارىستارعا بەلارۋس، قازاقستان، وزبەكستان رەسپۋبليكالارىنىڭ جانە رەسەي فەدەراسياسىنىڭ كوماندالارى قاتىسۋدا. سونىمەن قاتار ساۋد ارابياسى، چەحيا، ۆەتنام، اۆستريا جانە لاتۆيا ەلدەرىنەن رەسمي وكىلدەر مەن بايقاۋشىلار كەلدى.
ءورت ءسوندىرۋ-قۇتقارۋ سپورتىنان حالىقارالىق جارىستار – بۇل كاسىبي شەبەرلىك پەن فيزيكالىق دايىندىقتى كورسەتۋ عانا ەمەس، سونداي-اق ورتكە قارسى جانە قۇتقارۋ سالاسىنداعى حالىقارالىق ىنتىماقتاستىقتى نىعايتاتىن ماڭىزدى الاڭ.
جارىستىڭ ءبىرىنشى كۇنى قورىتىندىسى بويىنشا ءبىزدىڭ قۇراما كوماندالار (ەرلەر مەن ايەلدەر) شابۋىل ساتىسىمەن كوتەرىلۋ بويىنشا ءۇشىنشى ورىنعا يە بولدى، ال جارتىلاي فينالعا ءبىزدىڭ ەلدەن ەرلەر كومانداسىنىڭ وكىلى — نيكولاي بۋتورين شىقتى.