بۇگىندە الەۋمەتتىك مەديسينالىق ساقتاندىرۋ قورى دەنساۋلىق ساقتاۋ جۇيەسىنىڭ نەگىزگى ەلەمەنتتەرىنىڭ ءبىرى بولىپ تابىلادى. قازىرگى تاڭدا كوپتەگەن پروبلەما جينالىپ قالدى. ءبىز ولاردىڭ سەبەپتەرىنە تەرەڭ تالداۋ جۇرگىزىپ، ولاردى جەدەل شەشۋگە كىرىستىك.
مىسالى، مەنىڭ ويىمشا، مونيتورينگ جۇرگىزۋ پروسەسىن رەتتەۋدەن (بۇعان دەيىن جازعانىمداي) بولەك، قور تاراپىنان مەديسينالىق ۇيىمداردىڭ قارجىلىق ءتارتىبىن قامتاماسىز ەتۋ ءۇشىن قولدانىلاتىن شارالاردىڭ «قاتالدىعىن» ءبىراز جۇمسارتاتىن ۋاقىت كەلدى.
مۇندا باقىلاۋ مەحانيزمىنىڭ يكەمدىرەك ءارى تەڭگەرىمدى بولۋىنا باسىمدىق بەرۋ كوزدەلىپ وتىر.
بۇل باعىتتا الداعى 1-2 ايدا ءبىرقاتار وزگەرىستەر ەنگىزىلەدى.
ءبىرىنشى. قور «الدىمەن تولەم — سودان كەيىن مونيتورينگ» قاعيداتىنا كوشەدى (بۇدان بىلاي بارلىق ىقتيمال كەمشىلىكتەر بويىنشا قايتا تەكسەرۋدىڭ اياقتالۋىن كۇتۋدىڭ قاجەتى بولمايدى).
ەكىنشى. «سىزىقتىق شكالانى» اي سايىن ەمەس، توقسان سايىن قولدانۋ مۇمكىندىگىن ەنگىزەمىز، بۇل ءبىر ايداعى جوسپاردان تىس ورىندالعان جۇمىستارمەن باسقا ايداعى جوسپاردىڭ ورىندالماۋىن تەڭەستىرۋگە مۇمكىندىك بەرەدى (الايدا، مەديسينالىق ۇيىمداردىڭ دا ءوز جۇمىسىن ناقتى جوسپارلاپ، تەز ارەكەت ەتۋى تالاپ ەتىلەدى).
ءۇشىنشى. «قوسارلانعان الۋ» مۇمكىندىگىن جويامىز – ياعني، قاراپايىم تىلمەن ايتقاندا: ەگەر انىقتالعان بۇزۋشىلىقتار (كەمشىلىكتەر) بويىنشا سوما الىنعان بولسا، وندا سىزىقتىق شكالاسى بويىنشا قوسىمشا الىم جۇرگىزۋگە قاجەتتىلىك تۋىنداماۋى مۇمكىن.
ءبىز قارجىلىق ءتارتىپتىڭ ماڭىزىن جاقسى تۇسىنەمىز، ءبىراق پاسيەنتتەردىڭ ناقتى قاجەتتىلىكتەرى مەن دارىگەرلەردىڭ مۇمكىندىكتەرى دە سونشالىقتى ماڭىزدى. سول سەبەپتى ءبىز تەپە-تەڭدىكتى تابۋعا تىرىسىپ جاتىرمىز.
ءبىزدىڭ ماقساتىمىز — ءادىل، اشىق ءارى تۇسىنىكتى جۇيە قۇرۋ. مۇندا دارىگەر جۇيەمەن كۇرەسپەي، ءوز جۇمىسىن اتقارۋى ءتيىس.
اقمارال ءالنازاروۆا،
قازاقستان رەسپۋبليكاسىنىڭ دەنساۋلىق ساقتاۋ ءمينيسترى.