كاسىپكەرلىك قىزمەتتى ىنتالاندىرۋ مەن بيزنەستىڭ قارجىعا قول جەتكىزۋىن قامتاماسىز ەتۋ بويىنشا مەملەكەتتىڭ ساياساتىن ىسكە اسىرۋ ماقساتىندا ق ر ۇلتتىق ەكونوميكا مينيسترلىگى «دامۋ» كاسىپكەرلىكتى دامىتۋ قورىمەن بىرلەسىپ، 2025 جىلدىڭ باسىنان باستاپ جالپى سوماسى 4 898 جوباعا 586 ملرد تەڭگەگە قولداۋ كورسەتكەن.
بۇرىن ايتىلعانداي، اعىمداعى جىلعى ساۋىردە «دامۋ» قورى ارقىلى كەپىلدىك بەرۋ قورلارى جۇمىسىن باستادى. مۇنىڭ ءبىرىنشىسى 7 ملرد تەڭگەگە دەيىنگى شاعىن جانە ورتا بيزنەس جوبالارىنا، ەكىنشىسى 7 ملرد تەڭگەدەن اساتىن ءىرى جوبالارعا ارنالعان.
بۇگىنگى تاڭدا 8 بانكپەن كەلىسىم جاسالعان. كەپىلدىك قورىنا العاشقى 537 ملن تەڭگە جارنانى Freedom Bank سالىپ وتىر. سونىمەن قاتار، Halyk Bank، ForteBank پەن بانك سەنتركرەديت بانكى تيىسىنشە 2 ملرد، 1،8 ملرد جانە 1،6 ملرد تەڭگەدەن ۇلەس قوسپاق.
شوب-قا ارنالعان كەپىلدىك قورى اشىلعاننان بەرى 230 جوباعا 27،7 ملرد تەڭگە نەسيە بەرىلگەن. بۇل رەتتە كەپىلدىك سوماسى 13،9 ملرد تەڭگە. جوبالاردىڭ 70%-دان استامى جاڭا ءوندىرىستى ىسكە قوسۋعا، جابدىق ساتىپ الۋ مەن قۇرىلىسقا، ينۆەستيسيالىق ماقساتقا ارنالعان. ەڭ كوپ قولداۋ كورسەتىلگەن، شامامەن 40% ءوتىنىم وڭدەۋ ونەركاسىبىنە تيەسىلى. سونداي-اق، كولىك جانە لوگيستيكا، دەنساۋلىق ساقتاۋ مەن ءبىلىم بەرۋ سالاسىندا دا سۇرانىس جوعارى دەڭگەيدە.
كەپىلدىك بەرۋ بويىنشا 2025 جىلدىڭ باسىنان بەرى «دامۋ» قورى جالپى سوماسى 256 ملرد تەڭگە، جالپى كەپىلدىك سوماسى 178 ملرد تەڭگەگە 2 017 جوباعا قولداۋ كورسەتتى.
پايىزدىق مولشەرلەمەلەردى سۋبسيديالاۋدان شوب سۋبەكتىلەرىنە جەڭىلدىكپەن نەسيە بەرۋگە كوشۋ شەڭبەرىندە بيىل قارجى كولەمىن 750 ملرد تەڭگەگە دەيىن ۇلعايتۋ كوزدەلىپ وتىر. بۇل 2024 جىلعى كورسەتكىشتەن ءۇش ەسەدەي ارتىق. سونداي-اق، سوڭعى قارىز الۋشى ءۇشىن سىياقى مولشەرلەمەسى جىلدىق 12،6% جاڭا باعدارلاما ىسكە قوسىلماق. ول بويىنشا وڭدەۋ ونەركاسىبى، تۋريزم، ءبىلىم بەرۋ، دەنساۋلىق ساقتاۋ، كولىك جانە لوگيستيكا سياقتى باسىم سەكتورداعى جوبالارعا قارجى بولىنەدى.
بۇگىندە قولدانىستاعى جەڭىلدىكپەن نەسيە بەرۋ باعدارلاماسىنا ساي، 755 جوباعا 53 ملرد تەڭگە قولداۋ كورسەتىلگەن.
بۇل رەتتە ميكرو جانە شاعىن بيزنەسكە بەرىلەتىن 200 ملن تەڭگەگە دەيىنگى نەسيەنىڭ سىياقى مولشەرلەمەسىنىڭ ءبىر بولىگىن سۋبسيديالاۋ ساقتالادى. وسى ارقىلى ەكونوميكانىڭ باسىم سالاسىنداعى شاعىن كاسىپورىندارعا كومەك جاسالماق.
بۇگىنگى تاڭدا سىياقى مولشەرلەمەسىنىڭ ءبىر بولىگىن سۋبسيديالاۋ بويىنشا 2 126 جوباعا 276 ملرد تەڭگە بەرىلدى. قاراجاتتىڭ نەگىزگى بولىگى ءبىرىڭعاي كەشەندى باعدارلاما شەڭبەرىندە باسىم سالانى قولداۋعا جۇمسالدى: وڭدەۋ ونەركاسىبىندەگى 595 جوباعا 90،8 ملرد. تەڭگە، كولىك جانە قويمالاۋدا 576 جوباعا 52،8 ملرد.تەڭگە، ءبىلىم بەرۋدە 158 جوباعا 28،5 ملرد. تەڭگە نەسيە بولىنگەن.