10 كوللەدج حالىقارالىق تاجىريبە الماسۋدا
مەملەكەت باسشىسى جاريالاعان جۇمىسشى ماماندىقتار جىلى اياسىندا قازاقستاندىق كوللەدجدەردى ينتەرناسيونالداندىرۋ جۇرگىزىلۋدە. بۇل – تجكب جۇيەسىن ترانسفورماسيالاۋداعى باسىم باعىتتاردىڭ ءبىرى، دەپ حابارلايدى ق ر وقۋ-اعارتۋ مينيسترلىگىنىڭ باسپا ءسوز قىزمەتى.
قازىرگى ۋاقىتتا سالالىق ۆەدومستۆو شەتەلدىك سەرىكتەستەرمەن كەلىسسوزدەر جۇرگىزۋدە. ولاردىڭ قاتارىندا جۇڭگو، وڭتۇستىك كورەيا، فرانسيا سەكىلدى ەلدەردىڭ جەتەكشى ءبىلىم بەرۋ ۇيىمدارى مەن كاسىپورىندارى بار. ىنتىماقتاستىق اياسىندا اكادەميالىق ۇتقىرلىققا، تاعىلىمداما مەن تاجىريبە الماسۋ باعدارلامالارىنا، حالىقارالىق ءبىلىم بەرۋ ستاندارتتارىن، قوس ديپلوم الۋ باعدارلامالارىن ەنگىزۋگە، سونداي-اق پەداگوگتەردىڭ كاسىبي قۇزىرەتتىلىگىن ارتتىرۋعا ەرەكشە كوڭىل بولىنۋدە.
«جۇمىسشى ماماندىقتارىنىڭ جىلى اياسىنداعى نەگىزگى ءىس-شارالاردىڭ ءبىرى – كوللەدجدەردى ينتەرناسيونالداندىرۋ. باستى ماقسات – ولاردىڭ باسەكەگە قابىلەتتىلىگىن ارتتىرۋ، وقۋ باعدارلامالارىن حالىقارالىق ستاندارتتارعا سايكەستەندىرۋ جانە زاماناۋي ەڭبەك نارىعىنىڭ سىن-قاتەرلەرىنە جاۋاپ بەرە الاتىن مامانداردى دايارلاۋعا جاعداي جاساۋ»، – دەيدى تەحنيكالىق جانە كاسىپتىك ءبىلىم دەپارتامەنتىنىڭ ديرەكتورى اسەت مۇحانبەتوۆ.
وسى باستاما اياسىندا 2025 جىلى ەلىمىز بويىنشا 10 كوللەدج ينتەرناسيونالداندىرىلادى. ولاردىڭ قاتارىندا – ن.بەكبوسىنوۆ اتىنداعى ماڭعىستاۋ ەنەرگەتيكالىق كوللەدجى، استانا قالاسىنىڭ قوعامدىق تاماقتانۋ جانە سەرۆيس كوللەدجى، شىمكەنت قالاسىنىڭ جەڭىل ونەركاسىپ جانە سەرۆيس كوللەدجى جانە باسقالارى بار. بۇگىندە وسى ۇيىمداردىڭ ستۋدەنتتەرى مەن پەداگوگتەرى جاپونيا، فرانسيا، جۇڭگو، تۇركيا جانە باسقا ەلدەردىڭ كوللەدجدەرىندە جانە سەرىكتەس كاسىپورىندارىندا وقۋدان جانە تاعىلىمدامادان وتۋدە.